Aımaqtar • 15 Qazan, 2019

Joldyń jaıy qalaı: Mamandar jetispeıdi

27 retkórsetildi

Qazirgi ýaqytta oblys aýmaǵynda respýblıkalyq dárejedegi Omby – Maıqapshaǵaı jáne Taldyqorǵan – О́skemen joldarynyń qurylysy júrgizilýde. Jaqynda Shyǵys Qazaqstanǵa jumys saparymen kelgen Úkimet basshysy Asqar Mamın osy joldardaǵy qurylys barysymen tanysqan bolatyn.

Taldyqorǵannan О́skemenge deıingi joldyń 880-1073 shaqy­rymdaryn ıtalııalyq «Todını Sentral Azııa» merdi­ger kompanııasy salýda. Qurylystyń jalpy quny 67,1 mıllıard teńgeni quraıdy. Jol boıynda 31 kópir turǵyzylyp, sý ótkizýge arnalǵan 176 qu­byr tóselmek. Kompanııa jumys­tardy qarqyndy atqarýda, ári joldyń sapasy da óz dáre­jesinde. Olardyń jol boıynda eki birdeı zaýyty jumys istep tur. Isterinde kidiris joq. Al Qalbataý – Maıqapshaǵaı trassasynyń 906-1090 shaqy­rym­darynda «SP QazGer­Qurylys» JShS jumys atqa­rý­da. Bul – Qalbataý aýyly­nan bastap Tarbaǵataı aýda­ny­nyń aýmaǵyna deıingi ara­lyq. О́zderine berilgen 184 sha­qyrym joldy 80 mıllıard teńge qarjyǵa salyp shyǵýlary tıis. Jol bóliginde 18 kópir men 214 sý ótkizý qubyry bolady. Osy joldyń 1090-shy jáne 1321-shi shaqyrymdary aralyǵynda qytaılyq «Shina Xing-Xing Group Co LTD» kompanııasy jumys istep jatyr. Olar Maıqapshaǵaıdan bas­tap Tarbaǵataı aýdanyndaǵy Qabanbaı aýyly tusyna de­ıingi joldy jóndeýde. 231 sha­qyrym joldy salýǵa 78,5 mıllıard teńge qarastyrylǵan. Bul aralyqta 15 kópir men 230 sý qubyry salynady. Úsh merdigerdiń jumysymen ta­nys­qan A.Mamın «Todını Sentral Azııa» kompanııasy júktelgen mindetti oıdaǵydaı atqaryp kele jatqanyn atap ótip,  «Qazgerstroı» men «Shina Xing-Xing Group Co LTD» kompanııalaryna qurylysty shıratý qajettigin aıtqan bolatyn. «Jumystyń kelesi jylǵa josparlanǵan kólemi tym kóp ekenin esten shyǵarmańyzdar. Eskertip aıtarym, aldaǵy jyl­dyń aıaǵyna deıin bul jol­darmen kólikter júrýi tıis. О́z­ge abattandyrý jumystary keıin atqarylady. Eń bastysy, kólikter qozǵalysyna jol ashý. Mindet osy», degen-di Úkimet basshysy.

Taldyqorǵan – О́skemen ba­ǵy­tyndaǵy 1090-shy jáne 1321-shi shaqyrymdary ara­lyǵynda jumys istep jatqan «Shina Xing-Xing Group Co LTD» kompanııasynyń jumysy nege tejelýde? Munyń sebebin tehnıka jetispeýshiligimen tú­sindirigen kompanııa ókilderi óz­derinde 190 birlik tehnıka bar ekenin, aldaǵy ýaqytta Qy­taı­dan taǵy qosymsha tehnı­ka jetkiziletinin aıtqan-dy. «Qytaılyq merdigerdiń ju­mys­ty keshiktirýine tehnıka ǵa­na emes, bilikti mamandardyń jetispeýshiligi sebep bolýda. Qa­zir merdiger kompanııa maman tartý jumystarymen shu­ǵyldanyp jatyr. Jol sa­lý ju­mystaryna jergilikti ma­man­dardy tartý maqsatynda ob­lystyń aýdan ákimderi halyq arasynda tıisti jumystardy júrgizip jatyr. Bul másele jaqyn arada oń sheshimin tabady dep oılaımyn», deıdi oblystyq Jolaýshylar kóligi jáne avtomobıl joldary bas­qarmasynyń basshysy Nurjan Jumadilov.

 1

Shyǵys Qazaqstan oblysy

 

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar