Rýhanııat • 15 Qazan, 2019

Aqyn qalamyndaǵy akademık beınesi

112 retkórsetildi

Baıtaq dalamyzdyń baǵyn asyryp, baýyrynan nebir tektilerdi túletken Ertis-Baıan óńiri kemeńgerlerge kende emes. Buqaraǵa oı aıtqan Buhar jyraýy, áýlıe Máshhúr Júsibi, Jaıaý Musasy men Estaıy, ǵylymda Qanyshy men Marǵulany, Júsipbek pen Sultanmahmuty aıaýly aımaqtyń atyn asqaq­tatyp, bedelin bıik­tetken tuǵyrly tulǵalardyń bir shoǵyry ǵana desek qa­telespespiz.

Jaqynda geolog-ǵalym, mınerologııa ǵylymdarynyń doktory, professor, Qazaq KSR Ǵylym akademııasyn uıym­dastyrýshy jáne onyń tuń­ǵysh prezıdenti, Qazaq KSR Ǵylym akademııasynyń aka­demıgi, Keńes Odaǵynyń jáne Qazaqstannyń metallogenııa mektebiniń negizin qalaýshy, qazaqtan shyqqan tuńǵysh akademık Qanysh Imantaıuly Sát­baevtyń týǵanyna 120 jyl tolýyna oraı Baıanaýyl aýdandyq ákimdiginiń uıymdastyrýymen respýblıkalyq jyr músháırasy ótti.

Eki aı ýaqytqa sozylǵan jyr báıgesine aqyn, Qazaqstannyń eńbek sińirgen qaıratkeri, Ha­lyqaralyq «Alash» syılyǵynyń ıegeri, Qanysh Sátbaev týraly estelikter toptastyrylǵan «Zańǵar» kitabynyń quras­tyrý­shysy, Baıanaýyl aýdanynyń qurmetti azamaty, «Juldyz» jýr­nalynyń bas redaktory Ǵalym Jaılybaı, aqyn, Qazaq­stannyń eńbek sińirgen qaı­ratkeri, Halyqaralyq «Alash» ádebı syılyǵynyń ıe­­geri, Qazaqstan Jazýshylar odaǵy Pavlodar oblystyq fılıa­lynyń dırektory Arman Qanı jáne aqyn, «Naızatas» jýr­nalynyń bas redaktory Asyl Ábish qazylyq jasady.

Qazylar alqasynyń sheshi­mimen bas júldege Jánibek Álı­man (Qaraǵandy qalasy) ıe boldy. Jyr báıgesiniń birinshi oryn júldesin Oljas Qasym (Nur-Sultan qalasy) ıelendi. Ekinshi oryndar Aıdyn Baıys (Balqash qalasy) pen Muqaǵalı Kenjetaıulyna (Túrkistan qala­sy) buıyrdy. Júldeli úshinshi oryndarmen Serikjan Qajytaı (ShQO, Úrjar aýdany), Jolaman Áıtken (Baıanaýyl aýyly) já­ne Musabek Seısenbekuly (Baıan­aýyl aýdany) marapattaldy. Budan bólek, Raýan Qaıdar (Eki­bastuz qalasy) oblystyq «Naı­zatas» ádebı-kórkem, qoǵam­dyq-saıası jýrnalynyń arnaıy júl­desin, Baqbergen Darıǵauly (Pavlodar oblysy) aýdandyq «Baıantaý» gazetiniń arnaıy júl­desin enshiledi.

Músháıra qatysýshylary akademık Q.Sátbaevtyń me­mo­rıaldyq murajaıynda saq­talǵan qundy jádigerlermen ta­nysyp, baıanaýyldyq oqyr­mandarmen kezdesti. Baıanaýyl aýylyndaǵy «Danalar dańqy» alleıasyna saıa­hat jasady.

 

Elaman QABDILÁShIM

 

Pavlodar oblysy,

Baıanaýyl aýdany

Sońǵy jańalyqtar

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar