Qazaq dastarqanynan dám tatty

Qazaqstan halqy Assam­bleıasynyń (QHA) «Qazaqtaný» jobasy aıasynda qolǵa alynǵan is-sharany bıyl qalalyq QHA men Ádet-ǵuryp jáne salt-dás­túr ortalyǵy birlese uıym­dastyrdy.

Tórtinshi jyl qatarynan ótkizilip otyrǵan sharada shym­­­kenttik 11 etnomádenı bir­lestik óz talǵamdary boıynsha qa­zaqtyń ulttyq taǵamdaryn da­ıyn­dap, qazaq dastarqanyn jaıdy ári daıyndaǵan taǵamdardyń ta­nym-tarıhyna úńilip, as ázir­leýdiń ádis-tásilin kelgen qo­naqtarǵa tanystyrdy. Jaıyl­ǵan dastarqannan dám tatqan kóp­shilik onyń yntymaqqa bas­­taıtyn qadir-qasıetine de qanyqty.

– «Rýhanı jańǵyrý» baǵ­dar­lamasy aıasynda júzege asyp kele jatqan bul is-shara qazaq má­denıetin, tarıhyn, fıloso­fııa­syn nası­hattaýǵa baǵyttalǵan. Osy ar­qyly qaladaǵy etnos­tardy memleket quraýshy qa­zaq halqynyń mańaıyna top­tastyrýdy, ultymyzdyń qonaq­jaılyq dástúrin dáriptep, rý­hanı qundylyqtarymyzdy jań­ǵyrtýdy kózdep otyrmyz. Qazaqtyń as mázirindegi ulttyq taǵamdardyń san alýandyǵyn jurtshylyqqa kórsetý de bas­ty maqsatymyz, – deıdi jıynda sóz alǵan Shymkent qalalyq Qazaqstan halqy Assambleıasy tór­aǵasynyń orynbasary Murat­áli Qalmuratov.

Is-sharaǵa belsene qatysý­shy­lardyń biri – Shymkent qa­lalyq ázerbaıjan etnomádenı birlestigi tóraǵasynyń orynbasary Arzý Gýrbonova. Ol – qıyn-qystaý kezeńde ata-babalaryn ashtyqtan aman alyp qalǵan qazaq dastarqanyna erekshe qurmetpen qaraıtynyn aıtady.

– Sonaý tar zamanda kúsh­tep qonys aýdarylǵan mıl­lıondaǵan etnosty qazaq halqy óz úıi­ne qabyldap, bir úzim nanyn bólip berdi. Bizderdiń ata-baba­larymyzdy bótensimeı, óz balalarymen birge bir dastar­qannan, bir ydystan dám ta­t­qyzdy. Jergilikti halyqtyń dar­qandyǵynyń arqasynda bú­gingi beıbit kúnge de jettik. Son­­dyqtan biz qazaq halqyna alǵys aıta otyryp, qazaq dastar­qa­nynyń qadir-qasıetin erekshe baǵalaımyn, – deıdi ol.

Kórme-festıval aıasynda kópshilik baýyrsaq pisirý men taba nan jabýdyń tásilderimen ta­nysty. Sonymen qatar asyq atý, láńgi tebý, arqan tartý se­­­kildi qazaqtyń ulttyq oıyn túr­­­leri men etnomádenı bir­­les­tikter janyndaǵy óner ujym­­­dary da­­ıyndaǵan kon­sert­tik baǵ­dar­lamany tamashalady.

Esterińizge sala keteıik, «Qa­zaq dastarqany» festıvali óńir­lik Qazaqstan halqy Assam­bleıasynyń bastamasymen 2015 jyldan beri ótkizilip kele­di. О́tken jyldary festıval aıasynda etnos ókilderi qazaq­tyń ulttyń taǵamy et asýdan she­ber­likterin kórsetip, qazaq­­tyń umyt bola bastaǵan ult­tyq ta­ǵamdaryn daıyndaýdan sa­ıysqa túsken bolatyn.

ShYMKENT