Álem • 15 Qazan, 2019

Lıtvada akademııalyq qaýymdastyq kóshbasshylarynyń halyqaralyq sammıti ótýde

105 retkórsetildi

Lıtvada akademııalyq qaýymdastyq kóshbasshylarynyń halyqaralyq «QS in conversation. Halyqaralyq yntymaqtastyq arqyly tanymaldylyqty arttyrý: utqyrlyq, taný, brendıng» atty halyqaralyq sammıt ótýde.

Fotolardy túsirgen Erbol ERDENBEK

Álemdik mańyzy zor sharany L.N.Gýmılev atyndaǵy Eýrazııa ulttyq ýnıversıteti men Vıtaýtas Magnýs (Lıtva, Kaýnas q.) ýnıversıteti jáne QS Quacquarelli Symonds halyqaralyq kompanııasy birlesip uıymdastyrdy.

Aýqymdy sharaǵa akademııalyq qaýymdastyq kóshbasshylary – joǵary oqý oryndarynyń rektorlary, bilim, ǵylym, óner, jýrnalıstıka, bıznes, ekonomıka jáne densaýlyq saqtaý salasyndaǵy ókiletti ǵalymdar men sarapshylar, halyqaralyq uıymdardyń ókilderi jınaldy.

Qatysýshylar kontıngentin Qazaqstan, Reseı, AQSh, Lıtva, Latvııa, Ulybrıtanııa, Japonııa, Koreıa, Túrkııa, Ázirbaıjan, Estonııa, Efıopııa, Polsha, Ýkraına, О́zbekstan sııaqty elder usynady. Konferensııaǵa barǵan qazaqstandyq delegasııa quramynda Qazaqstan JOO rektorlary (Qazaqstan JOO rektorlar keńesiniń tóraǵasy E. Sydyqov), ǵalymdar men ǵylymı-zertteý ınstıtýttarynyń basshylary, jalpy sany júzden astam delegat bar.

Halyqaralyq jıynǵa qatysqan spıkerler qatarynda: Quacquarelli Symonds brıtandyq konsaltıng kompanııasynyń óńirlik dırektory Zoıa Zaıseva, brıtandyq «The Guardian» gazetiniń redaktory Reıchel Holl, belgili jýrnalıst Stıven Hoar, Eýrazııa ulttyq ýnıversıtetiniń rektory Erlan Sydyqov, Vıtaýtas Magnýs ýnıversıtetiniń rektory Iýozas Aýgýtıs, Skolkov ǵylym jáne tehnologııalar ınstıtýtynyń fakýltet dekany Klement Fortın jáne basqalar bar.

3

QS in conversation - bul joǵary bilim salasyndaǵy jahandyq mindetterdi talqylaýǵa, álemdik qaýymdastyqty nyǵaıtýdaǵy ýnıversıtetterdiń rólin anyqtaýǵa, halyqaralyq joǵary bilim berý júıesindegi trendterdi talqylaýǵa jáne t.b. asa qajetti máselelerge baǵyttalǵan álemdik mańyzy zor jıyn.

​Jıynda halyqaralyq yntymaqtastyq arqyly joǵary oqý oryndarynyń tanymaldyǵyn arttyrý ádisteri, BAQ-pen baılanys joldary qarastyryldy jáne stýdentterdi kásipkerlik daǵdylaryn damytý arqyly jumysqa ornalastyrý, kreatıvti oılaý, jeke brendıng, sonymen qatar reıtıngter arqyly básekege qabiletti keńistikte JOO-nyń óz sáıkestiginiń jetistikteri talqylandy.

​Forýmnyń ashylýynda L.N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov, Quacquarelli Symonds brıtandyq konsaltıng kompanııasynyń óńirlik dırektory Zoıa Zaıseva, Vıtaýtas Magnýs ýnıversıtetiniń rektory Iýozas Aýgýtıs, taǵy basqalar sóz aldy.

EUÝ rektory Erlan Sydyqov atap ketkendeı, ótip jatqan Sammıt –qazaqstandyq ýnıversıtetter, dostas eldiń ýnıversıtetteri halyqaralyq deńgeıde óz pozısııasyn senimdi túrde ustap otyrǵanyna dálel. Mobıldilik, taný, brendıng arqyly tanylý. Halyqaralyq Sammıt taqyrybynyń ózektiligi de, sóz joq, joǵary bilim berý salasyndaǵy jahandyq básekelestiktiń ósýimen baılanysty.

​Demografııalyq turaqtardan shyǵa otyryp, ósip kele jatqan básekelestikti eshkim joqqa shyǵarmaıdy - bala týýdyń kúrt tómendeýi baıqalady. Osyǵan baılanysty talqylaýǵa shyǵarylǵan máseleler erekshe ózektilikke ıe.

Básekege qabiletti maman, ozyq ǵylymı bilimdi damytý – halyqaralyq áriptestik pen yntymaqtastyqtyń basty ustanymdary.

1

Vıtaýtas Magnýs ýnıversıtetiniń rektory Iýozas Aýgýtıs ózekti máselelerdiń oń sheshim tabatynyna úmittenedi: «Biz munda kúsh-jigerimizdi qalaı biriktirip, bolashaqta ýnıversıtet úshin zamanaýı syn-qaterlerdi anyqtaý, máseleni belgileý jáne sheshim tabý úshin jınaldyq. Uly transformasııa kezinde biz beıimdelip, qalaı úıretetinimizdi jáne neni úıretetinimizdi túsinýimiz kerek. О́ıtkeni tek joǵary bilimdi, synı oılaıtyn tulǵa manıpýlıasııalarǵa qarsy tura alady», - dedi spıker. Sonymen qatar Iýozas Aýgýtıs jalpy máselelerdi sheshý úshin ýnıversıtetter seriktestermen, bıznespen, Úkimetpen, qoǵammen birigýi kerek dep málimdedi.

​Quacquarelli Symonds brıtandyq konsaltıng kompanııasynyń Shyǵys Eýropa jáne Ortalyq Azııa boıynsha óńirlik dırektory Zoıa Zaıseva forýmnyń mańyzdylyǵyn atap óte kele: «Bul jerde tek qana teorııa, prezentasııalar, baıandamalar ǵana emes, eń bastysy, adamdar birin biri biledi, kezdesedi jáne tájirıbe almasady» dedi.

Is-shara Reseı, Qazaqstan, AQSh, Latvııa ýnıversıtetteri basshylarynyń, Lıtvanyń bilim, ǵylym jáne sport mınıstrligi ókilderiniń, tanymal jýrnalıster men redaktorlardyń, halyqaralyq bilim berý jáne zertteý kompanııalary ókilderiniń qatysýymen ótýde. Baǵdarlama boıynsha  Vıttaýtas Magnýs, Tallın ýnıversıteti, Massachýsets tehnologııalyq ýnıversıteti, Eýrazııa ulttyq ýnıversıteti, Oral federaldy ýnıversıteti, Latvııa ýnıversıteti jáne t.b. JOO ókilderiniń baıandamalarynan turady.

6

Keshe bastalǵan Sammıt eki kúnge sozylady. Jıynǵa qatysýshylar «Ýnıversıtet & BAQ-pen baılanys», «Ýnıversıtettik brendıng: básekelestik keńistikte óz jolyn tabý», «Reıtıngter arqyly Brendıng: QS qalaı barynsha paıdalaný kerek» jáne t.b. taqyryptardy talqylamaq.

Konferensııa sońynda «QS EECA University Rankings 2019 - Damýshy Eýropa men Ortalyq Azııa ýnıversıtetteriniń QS 2019» reıtıngisiniń nátıjeleri jarııalanady dep kútilýde.

Sondaı-aq osy shara aıasynda Erlan Sydyqovtyń tóraǵalyq etýimen Qazaqstannyń joǵary oqý oryndary rektorlary keńesiniń otyrysy ótip, oǵan lıtvalyq áriptester qatyspaqshy.

Láılá Rahmanova,

Kaýnas qalasy, Lıtva

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar