Qazaqstan • 15 Qazan, 2019

Áskerı qaqtyǵystarǵa qatysqan otandastarymyzǵa «Ardager» mártebesi berilmek

102 retkórsetildi

Májilis depýtaty Berik Dúısembınov Premer-Mınıstr A. Mamınge 2019 jyldyń 23 qyrkúıeginde Tájik-aýǵan shekarasynda jaýyngerlik qımyldar men áskerı qaqtyǵystaryna qatysqan otandastarymyzǵa «Ardager» mártebesin berý týraly hat joldaǵan bolatyn. Atalmysh hatqa elimizdiń Qarýly kúshteriniń bas shtaby jaýabyn berdi. Bul týraly «Aq jol» partııasynyń baspasóz qyzmeti habarlady.

Jalpy, 1992-2001 jyldar kezeńindegi Tájik-Aýǵan shekarasyn qaýipsizdikpen qamtamasyz etýge arnalǵan bul áskerı qımyldarǵa Qazaqstannan on myńǵa jýyq jaýynger qatysty. Olardyń aldyńǵy býyn ofıserleriniń jasy búginde alpystan assa, eń jasy qyryq beste eken.

Mysaly, 1995 jyldyń 7 sáýirinde, Pshıhavr shatqalynda Tájikstan shekarasyn qarý-jaraq pen esirtki dálizine aınaldyrmaqshy bolǵan, muzdaı qarýlanǵan lańkestermen bolǵan keskilesken shaıqasta 17 qazaq sarbazy qaza bolyp, 30-dan asa jaýynger aýyr jaraqat alǵan.

«Búginde Qazaqstan – bitimgershilik daıyndyqqa basa nazar aýdara otyryp, BUU mıssııasy aıasynda onyń geografııasyn keńeıtýge múddeli el. Aǵymdaǵy jyldyń ótken aıynda bizdiń elimiz 170 bitimger daıyndady. Erteń álem elderindegi beıbit ómirdi qoldaý úshin otqa túsetin bizdiń bitimger sarbazdarymyz da eskerýsiz qalmaı ma? «Erim» degen el bolmasa, «Elim» degen er qaıdan shyǵady?!» - dep jazdy depýtat óz hatynda.

Depýtat áleýmettik ádildikti ornatý maqsatynda  memleket tynyshtyǵy men  qaýipsizdigin saqtaýdaǵy  eren erlikterin baǵalaı otyryp,  ósip kele jatqan jas býyndy tárbıeleýdegi mańyzdylyǵyn eskere otyryp, Tájik-Aýǵan shekarasyndaǵy urystarǵa qatysqan jaýyngerlerge tıisti qurmet kórsetilýin suraǵan bolatyn.

Keshe ǵana depýtattyq hattyń jaýaby keldi. Elimizdiń Qarýly kúshteriniń bas shtaby osy másele jónindegi ótinishti qaraǵanyn, 2018 jylǵy 28 aqpanda «Ardagerler uıymdary kóteretin máselelerdi sheshý jónindegi usynystardy daıyndaý boıynsha» Zań jobasy boıynsha jumys toby qurylǵanyn jáne «Qazaqstan Respýblıkasy keıbir zańnamalyq aktilerine jeke sanattaǵy azamattardy áleýmettik qorǵaý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy ázirlengenin jetkizdi. Onda 1992-2001 jyldary Tájikstan-Aýǵanstan ýchaskesinde TMD-nyń syrtqy shekarasyn qorǵaýdy kúsheıtýge qatysqan áskerı qyzmetshilerge «Ardager» mártebesin berý týraly normasy engizilgenin atap ótti.

Sońǵy jańalyqtar

Basylym basshylary - Kórik DÚISEEV (1936-2007)

Basylym basshylary • Búgin, 16:26

«Jas kásipker» – jemisti joba

Aımaqtar • Búgin, 16:06

Basylym basshylary - Balǵabek QYDYRBEKULY (1929-1995)

Basylym basshylary • Búgin, 15:50

Basylym basshylary - Sapar BAIJANOV (1930-1999)

Basylym basshylary • Búgin, 15:27

Basylym basshylary - Uzaq BAǴAEV (1930-1973)

Basylym basshylary • Búgin, 15:12

Irjı Pachınektiń shyny baǵy

Aımaqtar • Búgin, 14:44

Almatyda áli de qar kóshkini qaýpi bar

Aımaqtar • Búgin, 11:42

Dzıýdo: Eýropa kýbogy aıaqtaldy

Sport • Búgin, 10:30

Keleli kelisim kepili

Saıasat • Búgin, 07:34

Kópbalalyǵa járdem de kóbirek

Úkimet • Búgin, 07:32

Jańalyǵy kóp jańa joba

Aımaqtar • Búgin, 07:29

Aýdandar ózin ózi qamtamasyz ete ala ma?

Ekonomıka • Búgin, 07:25

Tıimdi memleketke aparar jol

Qoǵam • Búgin, 07:18

El qorjynyna kezekti joldama tústi

Jeńil atletıka • Búgin, 07:09

Qarasazǵa aqpanda aqqý qondy

Aımaqtar • Búgin, 06:45

Uqsas jańalyqtar