Qazaqstan • 15 Qazan, 2019

Almatyda zııaly qaýym ókilderi Prezıdenttiń Alǵys hatymen marapattaldy

102 retkórsetildi

Qalalyq ákimdikte jınalǵan zııaly qaýym ókilderine Almaty qalasynyń ákimi Baqytjan Saǵyntaev «Qazaq SSR Tilder týraly» alǵashqy Zańnyń qabyldanǵanyna 30 jyl tolýyna oraı  memlekettik tildiń damýyna úles qosqany úshin Memleket basshysynyń Alǵys hattaryn tapsyrdy.

Ana tiliniń mereıin ósirip, qoldaný aıasyn keńeıtip, ultaralyq qatynas tiline aınalý máselesindegi eńbekteri úshin marapattalǵandar qatarynda  «Memlekettik tilge qurmet» qoǵamdyq birlestiginiń tóraıymy Asyly Osman, Halyqaralyq «Qazaq tili» qoǵamynyń prezıdenti О́mirzaq Aıtbaev, halyq jazýshysy Muhtar Shahanov, M. Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, jazýshy Smaǵul Elýbaev, A. Baıtursynov atyndaǵy Til bilimi ınstıtýtynyń bas ǵylymı qyzmetkeri Telǵoja Januzaqov, A. Baıtursynov atyndaǵy Til bilimi ınstıtýtynyń dırektory Erden Qajybek, Qazaqstan Jazýshylar odaǵy tóraǵasynyń orynbasary Mereke Qulkenov, Ulttyq aýdarma bıýrosynyń redaktory Nazgúl Qojabekova, jazýshy-pýblısıst Jumash Kenebaı, «Jas qazaq» gazetiniń bas redaktory Sraıyl Smaıyldyń esimi ataldy.

Bul shara til taǵdyryna alańdap júrgen zııaly qaýym úshin keleli oılaryn ortaǵa salǵan erekshe bir kezdesý boldy.  Memlekettik tildiń mártebesin arttyrýdaǵy Til týraly zańnyń qabyldanýy,  Almaty jurtshylyǵynyń aldaǵy mindetteri, ǵylymı-zertteý ınstıtýttary, joǵary oqý oryndary men buqaralyq aqparat quraldarynyń tildiń aıasyn keńeıtýdegi úlesi,  qala mektepteriniń kitaphanalaryn qazaq jazýshylarynyń kitaptarymen, ǵalamtordy qazaq tildi kontentpen tolyqtyrý sııaqty ózekti jaıttardy til janashyrlary tótesinen qoıyp, osy sharalar eskerilse degen usynystaryn bildirdi.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar