Saıasat • 15 Qazan, 2019

Elbasy túrki tildes memleketterdiń yntymaqtastyǵy keńesiniń 7-shi otyrysyna qatysty

237 retkórsetildi

Nursultan Nazarbaev sammıtte Prezıdent Shavkat Mırzııoevti jáne búkil ózbek halqyn Túrki keńesine tolyqqandy múshe bolýymen quttyqtady. Bul týraly Tuńǵysh Prezıdenttiń baspasóz qyzmeti habarlady.

– Keńestiń quramyna О́zbekstannyń múshe bolýy – búkil túrki tildes qaýymdastyq úshin tarıhı ári kópten kútken oqıǵa, – dedi Elbasy.

Sonymen qatar, Nursultan Nazarbaev Býdapeshtte Túrki keńesiniń ókildigin ashý - yntymaqtastyqtyń Eýropa vektoryn damytýda erekshe mańyzdy ekenin atap ótti.

Sondaı-aq, Elbasy Qyrǵyz Respýblıkasynyń Túrki keńesine tóraǵa qyzmetindegi jumysyn joǵary baǵalady.

– Maǵan «Túrki Keńesiniń Qurmetti Tóraǵasy» mártebesin berý týraly usynysy úshin Prezıdent Rejep Erdoǵanǵa alǵys bildiremin. Osy bastamany qoldaǵandaryńyz úshin barshańyzǵa rızamyn. Bul joǵary mártebe maǵan ortaq uıymymyzdyń jumysyna odan ári belsendi qatysýǵa múmkindik beredi, – dedi Qazaqstannyń Tuńǵysh Prezıdenti.

О́z sózinde Nursultan Nazarbaev Túrki keńesiniń qurylý tarıhyna toqtaldy.

– Mereıtoılyq mejege biz jaqsy jetistiktermen jettik. Birinshiden, jahandyq turǵyda da, óz ishimizde de uıymǵa suranys bar ekenin ári onyń ózektiligin dáleldeı aldyq. Ekinshiden, Keńestiń qatary О́zbekstan men Majarstan esebinen tolyqty. Bul bizdiń birlesken  jylnamamyzdyń jańa paraǵy. Úshinshiden, elderimiz salmaqty ınstıtýsıonaldyq arhıtektýra qalyptastyrdy. Tórtinshiden, Keńestiń óńirlik jáne halyqaralyq deńgeıdegi saıası jáne ekonomıkalyq bedeli ósip keledi. Besinshiden, Túrki álemi ıntegrasııasynyń tujyrymdamasy qabyldandy, – dedi Elbasy.

Qazaqstannyń Tuńǵysh Prezıdenti Túrki ıntegrasııasy prosesin jalǵastyrýdyń mańyzdylyǵyna toqtalyp, Túrki keńesin odan ári damytý úshin eki usynys aıtty.

– Birinshiden, «Túrki keleshegi – 2040» baǵdarlamasyn ázirleý.

Bul qujatqa túrki tildes qoǵamdastyqtyń uzaq merzimdi maqsattary men oǵan qol jetkizý joldary engizilýge tıis. Osylaısha biz memleketterimiz úshin syrtqy saıasat pen «jumsaq kúsh» saıasaty, saýda jáne tranzıt, týrızm jáne ınvestısııa, energetıka men jasyl ekonomıka, shaǵyn jáne orta bıznes sııaqty basym baǵyttardaǵy yntymaqtastyqty nyǵaıtýǵa aıtarlyqtaı serpin beremiz, – dedi Nursultan Nazarbaev.

Sonymen qatar, Elbasy is-sharalar baǵdarlamasyna mádenıet jáne bilim berý, jastar saıasaty men densaýlyq saqtaý, sıfrlandyrý jáne jasandy ıntellekt salalaryn engizý qajettiligin atap ótti.

Sondaı-aq, Qazaqstannyń Tuńǵysh Prezıdenti «Túrki áleminiń besigi» – Túrkistan qalasyn damytýdyń mańyzdylyǵyna nazar aýdardy.

– Ekinshiden, bolashaqta Keńesimizdiń ataýyn qaıta qaraýdy usynamyn. Túrki tildes memleketter yntymaqtastyǵy keńesin Uıym deńgeıine deıin kóterýge bolady dep sanaımyn. Osylaısha, bizdiń qurylymdy «Túrkitektes memleketter uıymy» dep ataýǵa bolady, – dedi Nursultan Nazarbaev.

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar