Parlament • 16 Qazan, 2019

Sıngapýrdy ınvestısııa salýǵa shaqyrdy

6 retkórsetildi

Parlament Senatynyń Tóraǵasy Darıǵa Nazarbaeva Sıngapýrdyń Aǵa mınıstri – Ulttyq qaýipsizdik máseleleri jónindegi úılestirýshi mınıstr Teo Chı Hındi qabyldady, dep habarlady Senattyń baspasóz qyzmeti.

Senat basshysy Qazaqstan táýelsizdiktiń alǵashqy jyldarynda elimizdiń Tuńǵysh Prezıdenti – Elbasy Nursul­tan Nazarbaev pen Sıngapýr­dyń birinshi Premer-mınıstri Lı Kýan Iý negizin qalaǵan dos­tyq qatynasty joǵary baǵa­laıtynyn atap ótti. «Biz saý­da-ekonomıkalyq jáne máde­nı-gýmanıtarlyq baılanys­tardy nyǵaıtýǵa, Qazaqstanǵa Sıngapýr ınvestısııasyn tartýǵa múddelimiz», – de­di Parlament Joǵarǵy pala­ta­synyń basshysy.

Senat Tóraǵasy osy oraıda «Astana» halyqaralyq qarjy ortalyǵynyń qurylýyna baılanysty bıznes úshin tartymdy jaǵdaı qalyptasyp otyrǵany týraly aıtyp berdi. «Sıngapýrlyq kompanııalar Ortalyq Azııa jáne EAEO elderimen yntymaqtastyqta «Astana» qarjy ortalyǵynyń áleýetin paıdalanýǵa múm­kin­dikteri bar. Bul halqy 160 mıllıon adamnan asatyn qar­qyndy damyp kele jatqan ke­leshegi bar aýdan», dedi D.Nazarbaeva.

Teo Chı Hın EAEO men Sın­gapýr arasyndaǵy erkin saýda aınalymy jónindegi kelisimdi ratıfıkasııalaýdyń mańyzyn atap ótti. Kelisim Oń­tústik-Shyǵys Azııa elde­ri­­niń assosıasııasy men EAEO elderi arasyndaǵy yn­ty­maq­tastyqqa jańa serpin beredi», dedi Sıngapýrdyń Aǵa mınıstri.

Parlamenttiń Joǵarǵy palata basshysy Qazaqstannyń kólik-logıstıka áleýetin damytý josparlary týraly habardar etip, Sıngapýr qazaq­standyq kompanııalardyń Oń­tústik-Shyǵys Azııa naryǵyna shyǵý qaqpasy bola alatynyn atap ótti.

Senat Tóraǵasy Qazaq­stan­nyń ınvestısııalyq tartym­dylyǵyn nyǵaıtýǵa múmkindik beretin kólik-logıstıkalyq habta mańyzdy ról atqaratyn «Bir beldeý, bir jol» Qytaı megajobasynyń áleýetin atap ótti.

Taraptar parlamentaralyq yntymaqtastyqty nyǵaıtýǵa ýaǵdalasty. Darıǵa Nazar­baeva elimizben, onyń kó­rikti jerlerimen jáne turǵyn­dary­men jaqsy tanysý maq­satyn­da sıngapýrlyq depýtattardy týrıster retinde kelýge sha­qyrdy. Tóraǵa Sıngapýr men Qazaqstan arasynda tikeleı áýe baǵytyn ashýdy usyndy.

Teo Chı Hın Sıngapýr sıfr­landyrý jáne memlekettik basqarý salasyndaǵy tájirı­besimen bólisýge daıyn eke­nin atap ótti. Ol sondaı-aq Qa­zaqstannyń Tuńǵysh Prezı­denti N.Á.Nazarbaevtyń táýel­siz Qazaqstannyń damýyna zor úles qosqanyn jáne Sın­gapýrdyń jaqyn dosy eke­nin atap ótti. Aǵa mınıstr El­basyn Sıngapýrǵa saparmen kelýge shaqyrdy.

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar