Qoǵam • 16 Qazan, 2019

«Januıa» ortalyǵy jumysyn bastady

30 retkórsetildi

Otbasy bolǵannan keıin ydys-aıaq syldyrlamaı turmaıdy degen sózdi jıi estımiz. Bul úı bolýdyń kúrdeliligin kórsete me, joq álde otaý qurǵan jastardyń ózara til tabysýynyń qıyndyǵyn ańǵarta ma? Qalaı desek te jaqsy maǵyna bermeıtini aıdan anyq. Másele maqalda emes, másele osyndaı maǵynadaǵy tirkesterdi týǵyzbaýda. Shaǵyn shańyraqtan shattyqtyń úni estilsin dep, urystyń emes, yrystyń lebi essin dep elorda tórinen «Januıa» otbasy ınstıtýtyn qoldaý ortalyǵy óz jumysyn bastady.

Bastaǵanyna bas-aıaǵy otyz kúnniń shamasy bolsa da talaı istiń tamyryn dóp ba­syp úlgeripti. Keleli másele­lermen kelgenderge kerekti keńes berip, mańyzdy sharýa­lar­ǵa maıtalman mamandar paıdaly pikirlerin aıtyp, otbasyn saqtaýdyń ońtaıly joldaryn ortaǵa salýda. «Januıa» ortalyǵy «bir tereze» qaǵıdatymen azamattarǵa qyz­met kórsetedi jáne otba­sy­­larmen jeke jumys júr­gizedi. Onyń maqsaty otbasylarǵa quqyqtyq, psı­ho­logııalyq jáne áleý­met­tik kómek kórsetý.

Bul jerde ataýly áleý­met­tik kómek, turǵyn úı, densaýlyq saqtaý, bilim, ju­mysqa ornalasý, qysqa mer­zim­di kýrstar, bıznes ashý, nesıe­lik boryshty jabý jáne taǵy basqa da suraqtar boıynsha keńester beriledi. Sondaı-aq ortalyqta kásibı zańger, medıator jáne jeke sot oryndaýshylarynan quqyqtyq kómek, kásibı psıhologtan psıhologııalyq keńes, «Tur­ǵyn­úıqurylysjınaqbanki», Bir­yń­ǵaı zeınetaqy jı­naq­taýshy qory (BJZQ), Qaz­posh­ta qyzmetterin alýǵa bolady.

Jáne de ortalyqta «Ká­sip­ker ana» jobasy aıasynda áıelderge arnalǵan oqytý júrgiziledi eken. Bul joba áıel­derdi kásipkerlikpen aına­lysýǵa jáne áleýmettik jaǵ­daıyn jaqsartýǵa úıre­te­di. Oǵan kópbalaly, jal­ǵyz­bas­ty, múmkindigi shekteýli bala baǵýshy, turmysy tómen analar qatysa alady. Onyń aıasynda «Self made» ta­bys­­ty áıelder óziniń jeke tájirıbesimen bólisip, motı­­vasııalyq trenıngter ótki­zi­le­di.

«Januıa» otbasy ınstıtý­tyn qoldaý ortalyǵynyń úıles­tirýshisi Áıgerim Ábdi­qa­lıqyzy ortalyqqa kóbi­ne­se kópbalaly, tolyq emes, múge­dek balalar tárbıelep otyr­ǵan jáne jaǵdaıy tómen otba­sylar júginetinin atap ótti.

«Ortalyq ashylǵannan beri 4057 adam 7061 suraq boıynsha júgindi. Azamattar kóbinese ataýly áleýmettik kómek, turǵyn úı, nesıelik boryshty jabý, quqyqtyq kómek alý úshin júginedi. 5608 suraq boıynsha júıeli keńester berildi, ıaǵnı ataýly áleýmettik kómek (AÁK esep­teý, kedeılik sheginen asyp ketý), turǵyn úı (qujat­tar­dy jańartý, kezekke qoıý, jastarǵa turǵyn úı, jalǵa alý sharty, «Baqytty otba­sy», «Berekeli baspana» baǵ­darlamalary boıynsha), nesıe­lik boryshty jabý, tabysty esepteý boıynsha anyq­ta­­ma alý, quqyqtyq kómek (alı­ment, bereshek óndirý, kóshi-qon, zańsyz buzý, ajyrasý boıynsha), bıznes (bıznes ashý, kóshe saýdasy), bilim (sertıfıkattar, úıirmelerge jeńildikter) turǵysynda. Al 1453 máseleni sheshý bo­ıynsha sharalar qabyldandy. Atap aıtar bolsaq, ataýly áleýmettik kómek taǵaıyndaýǵa qujattar qabyldandy, quqyqtyq kómek aldy, jumysqa ornalastyryldy, qysqa merzimdi kýrstarda oqý, onyń ishinde «Kásipker ana» jobasy aıasynda, bilim berý salasynda densaýlyq saqtaý (emhanaǵa tirkeý, dári­ger­ge jazylý) máseleleri sheshilip, psıhologııalyq kó­mek kórse­til­di. О́tkizilgen 157 is-shara aıasynda 4700-den asa adam qamtyldy, ıaǵnı ata-analar, balalar, múmkindigi shekteýli bala­lar­ǵa psıhologııalyq jáne motı­vasııalyq trenıngter, kámeletke tolmaǵandar jáne olardyń quqyqtaryn qorǵaý, jumyspen qamtý týraly vedomstvoaralyq komıs­sııanyń otyrysy, jumys berýshilermen kezdesýler, «Atameken» ulttyq kásip­ker­ler palatasymen «Bastaý Bıznes» jobasy boıynsha úsh aptalyq oqytý ótkizildi. Is-sharalar josparǵa jalǵasýda. Apta saıyn keste boıynsha Nur-Sultan qalasy ákimi, onyń orynbasarlary, aýdan
ákimderi, basqarma basshylary azamattarmen jeke qabyldaý júrgizedi», dedi ol.

Ortalyqtyń aldaǵy ýaqyt­ta­ǵy jospary sapaly qyzmet kór­setýdi jalǵastyryp, aza­mat­­tardyń tilekterin, sura­nysyn eskere otyryp, ju­mysty jetildirý. Jýyrda Vıse-premer B.Saparbaev pen elorda ákimi A.Kólginov atalǵan ortalyqtyń ju­my­sy­men tanysyp, oń baǵasyn bergen bolatyn.

«Biz ákimdikte basqarma basshylary men aýdan ákim­deriniń qatysýymen ótki­zile­tin azamattardy qabyldaý júrgizýdemiz. Turǵyndardy qa­byl­daý júıeli túrde ótip turady. Eki aıda jeke ózim 300-den astam adamdy qa­byldadym. Turǵyndar biz­den kez kelgen kúni kelip, tol­ǵan­dy­ratyn suraqtarǵa jaýap ala alatyn ortalyq ashýdy surady. Kóptegen adamdar jumysqa ornalasý jáne bilim alý máselelerimen júginedi. Máselen, qosymsha bilim alý úshin qandaı kýrstardan ótý kerek, «Baqytty otbasy» turǵyn úı baǵdarlamasyna qalaı qatysýǵa bolatyndyǵy týraly jıi suraqtar qoıady. Osy ortalyqta da azamattar­dy jeke qabyldaıtyn bola­myn», dedi Nur-Sultan qalasynyń ákimi A.Kólginov.

Iá, kúrmeýi qıyn kúrdeli másele bolsa da negizgi mama­ny­na baratyn mekenjaıdan adaspasa, sheshimi tabylatyny sózsiz. Sondyqtan týyn­da­ǵan otbasylyq san túrli suraqtardyń jan-jaqty jaýa­byn «Januıa» ortalyǵynan alýǵa bolady.  

Sońǵy jańalyqtar

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar