«Qazaqstan, Qyrǵyzstan, Tájikstan jáne О́zbekstan boıynsha IýNESKO-nyń klasterlik bıýrosynyń atynan ózimniń «Nazarbaev zııatkerlik mektepteri» derbes bilim berý uıymyna degen asa qurmetimdi bildirip, Sizderdiń uıymdaryńyzdyń IýNESKO Wenhui Award 2019 syıaqysyn jeńip alǵandaryńyzdy qýanyshpen habarlaımyn» delingen Krısta Pıkattyń hatynda.
NZM ókilderiniń aıtýlarynsha, bul mektep IýNESKO-nyń bilim salasyndaǵy syıaqysyn ıelengen Qazaqstannyń birinshi bilim oshaǵy. Wenhui Award ýnıversıtet pen mektep arasyndaǵy «Bilim-2030» jobasyn ilgeriletý jolyndaǵy seriktestikti damytýǵa baǵyttalǵan.
Aıta ketý kerek, IýNESKO syıaqysy qazaqstandyq ınnovasııalyq mektepterge sapaly bilim men ómir boıy bilim alýǵa yqpaldasatyn ýnıversıtetter men mektepter arasyndaǵy tabysty seriktestik úshin, balalar men jastardy ómirge, jumysqa jáne jahandyq azamattyqqa beıimdeý jolyndaǵy eńbek úshin beriledi.
Fınaldyq kezeńniń nomınanttarynyń ishinde Aýstralııa, Qytaı, Malaızııa jáne Shrı-Lanka elderiniń bedeldi ýnıversıtetteri boldy.
