Qoǵam • 16 Qazan, 2019

Zań jobasyn talqylady

40 retkórsetildi

«Halyq kommýnısteri» parlamenttik fraksııasynyń uıymdastyrýymen «Pedagog mártebesi: usynystan naqty qadamǵa» taqyrybynda keńeıtilgen otyrys ótti. Shara barysynda «Pedagog mártebesi týraly» zań jobasy talqylandy. Jıynǵa Bilim jáne ǵylym mınıstrliginiń ókilderi, atalǵan partııanyń depýtattary men bilim berý salasynyń qyzmetkerleri qatysty.

Otyrystyń ashylýynda sóz alǵan Májilis depýtaty Irına Smırnova qabyldanǵaly turǵan zań elimizdiń bolashaǵymen baılanysty ekenin aıtty. «Elbasy pedagogtardyń mártebesin kó­teretin zań jobasyn ázirleý tý­raly bastama kótergende, mu­ǵalimderdiń óz qyzmetine jatpaı­tyn jumystarǵa jegilýine shekteý qoıý kerektigin shegelep aıtqan edi. Mine, zań jobasy qaıdan bastaý aldy?», degen májilismen negizgi oıdan al­shaqtamaı, basty talapty oryn­daý qajettigine toqtaldy. «Jańa zań jobasynda kóp másele qarastyrylǵan. Biraq biz naqty nátıjeni kórgimiz keledi. Aıtalyq, muǵalimniń aılyǵy qansha, pedagogqa belgilengen júk­teme qandaı bolaryn osy zańda ashyq kórsetilgenin qa­laımyz. Bul úshin anyq, sal­maq­ty usynystarymyzdy ortaǵa salaıyq», dep sóz kezegin spıkerlerge berdi.

Elordadaǵy ata-analar qa­ýym­­dastyǵynyń tóraıymy Gúl­nar Mansurqyzy tal­qy­laýǵa túsken zań jobasy tek muǵa­limderge emes, tutas qoǵamǵa qa­tysty másele ekenin jetkizdi. Onyń oıynsha, pedagogtardyń materıaldyq jaǵdaıyn sózsiz jaqsartý qajet. Dese de qo­ǵam aldyndaǵy muǵalimniń már­tebesin balalardy otbasynda pedagogpen durys qarym-qa­ty­nasqa tárbıeleý arqyly laıyqty deńgeıge kótere alamyz. «Al zań jobasyna kelsek, qujatty osy kúıinde qa­byldaýdyń qajeti de joq sııaq­ty. Sebebi bul muǵalimniń már­te­besin kóterýden góri keı tustarda quqyǵyn shektep tur. Máselen, pedagog balanyń sýısıdke barǵysy keletinin, ómirine qandaı da bir qaýip tóngenin po­lısııaǵa aıtýy tıis eken. Bul mu­ǵalimniń fýnksıonaldyq qyz­metine jatpaıdy. Sodan soń mu­ǵalim alǵash osy qyzmetke kel­gende mektep basshylyǵy bekit­ken mátinge sáıkes ant berýi kerek kórinedi. Bul dırektorǵa degen táýeldilikke alyp keledi», deıdi. Ata-ananyń paıymdaýynsha, bizde mektep dırektorlaryn taǵaıyndaýdyń óz tártibi engizilýi tıis. Bilim-ınnovasııa lıseılerinde mektep dırektorlary ár 4 jyl saıyn aýysyp otyrady. Sondaı tájirıbeni jalpy mektepterge qoldanǵan jón. Áıtpese, bas qalanyń ózinde 20 jyldan beri taban aýdarmaı bir bilim oshaǵyn basqaryp otyrǵan basshylar bar.

Al shetelderdegi muǵalim már­tebesin kóterýge baǵyttalǵan ba­ǵyt­tardy zerdelegen sarap­shy Aıjan Dastanqyzy peda­gog­tardyń áleýmettik kartasyna basa nazar aýdarý kerektigine toq­taldy. «AQSh-ta muǵalimder zeınetke shyqqanda memleketten alatyn zeınetaqysynan bólek taǵy aqsha alady. Ony árbir shtattaǵy arnaıy qor taǵaıyndaıdy. Mundaı uıymdar pedagogtardyń zeınetaqy qoryna belgili bir mólsherde aqsha salyp otyrady. Sony keıin zeınetaqy retinde beredi. Osy tájirıbeni zerttep, bizdegi zań jobasyna engizýdi usynamyn», degen A.Dastanqyzy ár shtattyń ekonomıkalyq, geografııalyq erekshelikterine qaraı zeınetaqy mólsheri ártúrli bolatynyn aıtty. Sol sebepti elimizdegi jergilikti atqarýshy organdardyń da túrli deńgeıde qarastyrýy zańdy bolmaq.

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar