Qoǵam • 16 Qazan, 2019

Stýdentterge jemqorlyqpen kúresý joldary túsindirildi

13 retkórsetildi

Stýdentter arasynda jeń ushynan jalǵasqan sybaılas jemqorlyqqa jol bermeý maqsatynda «Parasyz sessııa», «Taza sessııa», «Adal jol», aksııalary turaqty túrde uıymdastyrylyp, «Sybaılas jemqorlyqtyń aldyn alý» taqyrybynda semınar ótip turady.

Osy bastamaǵa oraı, Alma­tydaǵy Qazaq ulttyq qyzdar pedagogıkalyq ýnıversıtetiniń stýdentteri Memlekettik qyz­met isteri jáne sybaılas jem­qorlyqqa qarsy is-qı­myl agent­tiginiń «Sanaly urpaq» respýb­lıkalyq jobalyq keń­sesiniń basshysy Qaıyrjan Tokýshevpen kezdesti.

Jıynda Q.Tokýshev Joba­lyq keńseniń negizgi qyzmeti týraly baıandap, ony joǵary oqý oryndarynda ashýdaǵy maqsaty men mindetin aıtty.

– Urpaq tárbıesi eń aldymen mektep pen ýnıversıtet qabyrǵasynda qalyptasady. Bala­nyń dúnıetanymynyń, ómirge degen kózqarasynyń, qoǵam­men qarym-qatynasynyń bas­taýynda ata-anasy men ustazdary úlken ról atqarady. Sondyqtan jastar tárbıesine bári­miz jaýaptymyz. Kez kelgen oqý orny úshin sapaly bilim birinshi kezekte turýy tıis. Mindetimiz – qoǵamnyń jegi qurtyna aınalǵan sybaılas jemqorlyqqa qarsy aldyn alý sharalaryn júrgizý, ortaq ádis-tásilder engizip, jastarmen jan-jaqty jumys isteý. Sonymen qatar elimizdiń bilim berý júıesi arqyly jemqorlyqqa qarsy múldem tózbeýshilikti qalyptastyrýdyń eń úzdik táji­rıbesi ekenin kórsetip, odan bas tartatyn ortany keńeı­tý basty maqsatymyz, – dedi Q.Tokýshev.

Kezdesý barysynda Qyzdar ýnıversıtetiniń 100 stýdenti «Sanaly urpaq» respýblıkalyq jobalyq klýbyna múshelikke qabyldandy.

Basqosýdy oqý ornynyń Áleý­mettik damý jónindegi pro­rektory mindetin atqarý­shy Jańagúl Sultanova qory­tyndylap, ýnıversıtette sybaılas jemqorlyqpen kúres baǵytynda atqarylyp jatqan jumystarǵa toqtalyp ótti.

Onyń aıtýynsha, ýnıver­sıtettiń tárbıe, oqý jáne ǵy­lym úderisinde ádeptilik qaǵı­dalaryn saqtaý basty nazar­ǵa alynǵan. Bul turǵyda «Sy­baılas jemqorlyqqa qarsy máde­nıet negizderi» atty pán oqý baǵ­darlamasyna engizildi. Atalǵan pán stýdentterdiń sanaly túrde jáne adamgershilikpen sybaılas jemqorlyqqa qarsy mádenıetti qalyptastyrady.

Kezdesý aıasynda Q.Tokýshev stýdentterdiń ózin ózi basqarý jáne demalys ornynyń qyz­metimen tanysty. Oqý ornynyń bas ǵımaratynyń baza­synda jaqynda ashylǵan bul ortalyqta bilimgerler ózde­rin jan-jaqty damytyp, qoǵamdyq belsendiligin art­tyrýǵa múmkindik almaq. Son­daı-aq túrli bastamalar men jobalardy iske asyrýdy talqy­laıdy.

 

ALMATY

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar