Atalǵan chellendjdiń bastalǵany týraly Shymkent qalasy boıynsha Sybaılas jemqorlyqqa qarsy qyzmettiń basshysy Ashat Jumaǵalı habarlady. Onyń aıtýynsha, bul aksııa Sybaılas jemqorlyqqa qarsy is-qımyl agenttiginiń bastamasymen qolǵa alynǵan jáne oǵan elimizdiń barlyq óńiri belsene atsalysýda.
«Búgin ózim bastap, «Shymkent – adaldyq alańy» jobalyq keńsesimen birge «Para berme» chellendjin bastadym. Bul aksııanyń maqsaty – memleket pen qoǵamnyń sybaılas jemqorlyqqa qarsy kúrestegi kúsh-jigerin biriktirý. Biz BAQ ókilderin, sonymen qatar qala turǵyndaryn osy aksııaǵa belsendi qatysýǵa jáne sybaılas jemqorlyqqa qarsy birlese kúresýge shaqyramyz», – dedi A.Jumaǵalı.
Aıta keterligi, chellendj aıasynda kez kelgen azamat áleýmettik jeliler arqyly para berýdiń qandaı jaýapkershilik júkteıtinin jetkize alady.
ShYMKENT
