Sport • 16 Qazan, 2019

Túrkistan: Álem chempıonatynyń júldegerlerine qurmet kórsetildi

37 retkórsetildi

Jýyrda Ýland-Ýde qalasynda ótken áıelder arasyndaǵy bokstan Álem chempıonatynda Túrkistandyq Dına Islambekova qola júldege ıe boldy.Sondaı-aq Almaty qalasynda uıymdastyrylǵan dzıýdodan jasóspirimder arasyndaǵy Álem chempıonatynda Aıdar Arapov qola júldeni jeńip aldy. Tashkent qalasynda 11-14 qazan kúnderi sambodan synǵa túsip, sátti óner kórsetken Túrkistan oblysynyń sportshylary 1 kúmis jáne  2 qola medaldi jeńip aldy.

Túrkistan oblysy ákiminiń orynbasary Sáken Qalqamanov Álem chempıonattarynda júldeli oryndarǵa ıe bolǵan bes sportshymen kezdesip, syı-qurmet kórsetti. Basqosýǵa, sondaı-aq sambodan Qazaqstan Respýblıkasynyń eńbek sińirgen jattyqtyrýshy, Álem chempıonatynyń 2 dúrkin jeńimpazy  Ábdisadyq Halılaev, bokstan biliktiligi joǵary deńgeıdegi joǵary sanatty jattyqtyrýshy Almas Qýatbekov, dzıýdodan joǵary sanatty jatyqtyrýshy, halyqaralyq dárejedegi sport sheberi Mádı Qurymbaev qatysty. Oblys ákiminiń orynbasary óńirdiń sport salasyn damytýǵa jáne halyqaralyq arenada Qazaqstannyń ımıdjin ilgeriletýge úles qosqan jas sheberlerdiń eńbekterin erekshe atap ótti. «Jastardyń sizderge qarap boı túzeıtini jáne úlgi alary kámil. Memleket,  oblys ákimdigi tarapynan sportty damytýǵa árqashan kóńil bólinedi. Qazirgi tańda  óńirimizde sport keshenderi, fýtbol alańdary salynyp jatyr. Aldaǵy ýaqytta alaman báıgelerde top jaryp, elimizdiń, oblysymyzdyń abyroıyn asqaqtatasyzdar dep senemin. Elimizdiń erteńi ózderińiz sekildi jastardyń qolynda», – dedi oblys ákiminiń orynbasary Sáken Qalqamanov.

О́z kezeginde jas sportshylar halyqaralyq jarystarda kórsetken óneri, alǵan áserleri jóninde oı bólisip, keleshek josparlary týraly aıtty. Kezdesýde jas sportshylarǵa Túrkistan oblysy ákiminiń atynan  estelik syılyqtar tabys etildi.

Sońǵy jańalyqtar

Qazaq kuresi assosıasıasy quryldy

Sport • Búgin, 13:48

Ǵaryshta adam qalaı uıyqtaıdy?

Tehnologııa • Búgin, 13:31

Shymkentte kóktemgi tazalyq sharasy ótti

Aımaqtar • Búgin, 13:21

29 aqpan - Kibise kúni

Qazaqstan • Búgin, 13:08

Almaty mańynda jer silkindi

Qazaqstan • Búgin, 11:55

Basty aqparat (28.02.2020)

Vıdeo • Keshe

Uqsas jańalyqtar