Suhbat • 16 Qazan, 2019

Qadyrbek ALTAI: Stýdent kezden kásip ashýdy josparladym

604 retkórsetildi

«Jas kelse iske» demekshi, elimizde kásiptiń kózin taýyp, isin órge súıregen jastardyń sany jyl sanap artyp keledi. Jastar jylyna oraı uıymdastyrylǵan «Eńbekqor jastar» jobasy boıynsha Pavlodar oblysy Baıanaýyl aýdany Zarıa aýyldyq okrýginde turatyn Qadyrbek Altaımen suhbattasyp, ashqan kásibiniń mán-jaıyna qanyq boldyq.

̶ О́zińiz aınalysatyn kásiptiń qyr-syrymen tanystyrsańyz?

̶ Meniń 2017 jyly ashylǵan «Altaı» dep atalatyn sharýa qojalyǵym bar. Sol jyly Úkimetten 30 gektar jer telimin aldym. Bul jerge keshendi sharýa qojalyǵyn saldym. 2018 jyly 300 gektar jaıylymdy jer aldym. Búginde sharýa qojalyǵynda sút ónimderi sonymen qatar, et ónimderin satýmen aınalysamyz. Qazir 50 bas sıyr baǵyp otyrmyn. Qaramaǵymda bir saýynshy, bir kómekshi jumys isteıdi. Bizdiń aýyl qalaǵa jaqyn. Ár aptanyń sońynda oblys ortalyǵynda aýylsharýashylyǵy ónimderiniń jármenkesi bolady. Soǵan ózimizdiń sút jáne et ónimderin aparyp satamyz.

̶ Kásibińizde sút ónimderinen paıda kóbirek kele me, álde et ónimderinen be?

̶ Ekeýinen de paıda bar. Aýylsharýashylyǵy jármenkesinde ákimdik belgilep bergen baǵa boıynsha ónimderimizdi satamyz. Bekitilgen mejeden aspaýymyz kerek. Soǵan qaramasqan ketken shyǵyndarymyzdy aqtap alyp otyrmyz.

̶ Kásibińizdi damytý úshin qandaı memlekettik baǵdarlamalarǵa qatystyńyz?

̶ Kásibimdi damytý úshin «Bıznes bastaý» jobasyna qatystym. Sosyn memleketten 6 paıyzdyq mólsherlememen 3 mln teńge nesıe aldym. Jylyna 520 myń teńge tólep otyrmyn. Jyl saıyn bul meje azaıyp otyrady. Paıyzy tómen bolǵandyqtan asa qıyndyq týǵyzbaıdy. Meniń nesıe tóleıtin ýaqytym, mal basy semirgen kúz ýaqytymen tuspa-tus kelgendikten men úshin qolaıly bolyp otyr. Nesıe alar kezde men sııaqty jastar qaǵaz jınaý, qujat toltyrý kezinde esh qınalǵan joq. Tek orta jastaǵy aǵalarymyz úshin problemalar týyndady. Ol kisilerdiń ishinde bel ortasyna kelgende qolyn bir-aq siltegenderi de bar. Men 3 mln teńgege 12 bas sıyr aldym. Bul jerde eskeretini, nesıe arqyly alǵannan keıin belgili bir erejeler bar. Mysaly, mal 4 jastan aspaýy kerek. Sany 12 basqa tolýy kerek.

̶ Memlekettik baǵdarlamalarǵa qatysý jas kásipkerler úshin qanshalyqty tıimdi?

̶ Árıne, tıimdi. О́ıtkeni eshkimniń qaltasynda daıyn qarajaty joq. Sondyqtan 6 paıyzben nesıe alý arqyly utymdy kásip ashýǵa bolady. Tek aýyldy jerde túsindirý jumystary tıisti deńgeıde júrgizilmeıdi. Tipti jergikti ákimdikte otyrǵandardyń ózi qandaı baǵdarlama, kim úshin tıimdi ekeninen beıhabar bolyp shyǵady. Tıisti túsindirý jumystary júrgizilmegendikten de aýyl turǵyndary nıet tanytqanymen saýaty, aqparaty jetpeı jatady. Onsyzda «nese alsań, qurısyń» degen oıdaǵy halyqtyń pikirin ózgertetindeı mamandar joq. Qarapaıym malsharýashylyǵymen aınalysqandarǵa memleketten sýbsıdııa beriletini týraly eshkim bilmeıdi. Estise de, ony qandaı jolmen alýǵa bolatynynan habarsyz.

̶Ekiniń biri 28 jasta kásip asha bermeıdi. Mal sharýashylyǵymen aınalysý týraly oıǵa ne sebep boldy?

̶ Stýdent kezden bastap kásip ashýdy josparlap júrdim. Jıǵan-tergen aqshama shetinen mal alyp otyrdym. Keıin naqty sheshim qabyldap kiriskennen keıin kóligimdi satyp, mal aldym. Qalaıda mal basyn kóbeıtýdi josparladym. «Bıznes bastaýdy» otandyq telearnalardaǵy jańalyqtardan kórdim. Sosyn sol týraly aqparat jınaı bastadym. Sosyn «Igilik» baǵdarlamasy arqyly 1 aı oqyp, sertıfıkat aldyq. Qajetti qujattardy jınadyq. Buǵan jarty jyldaı ýaqyt joǵaltym. Biz jas bolǵan soń aıaǵyna jetkizemiz degen maqsat boldy. Qazir esh ókinbeımin. Kásibim alǵa jyljyp keledi. Alǵa qoıǵan maqsat pen josparlarym da bar.

Sońǵy jańalyqtar

Basylym basshylary - Kórik DÚISEEV (1936-2007)

Basylym basshylary • Búgin, 16:26

«Jas kásipker» – jemisti joba

Aımaqtar • Búgin, 16:06

Basylym basshylary - Balǵabek QYDYRBEKULY (1929-1995)

Basylym basshylary • Búgin, 15:50

Basylym basshylary - Sapar BAIJANOV (1930-1999)

Basylym basshylary • Búgin, 15:27

Basylym basshylary - Uzaq BAǴAEV (1930-1973)

Basylym basshylary • Búgin, 15:12

Irjı Pachınektiń shyny baǵy

Aımaqtar • Búgin, 14:44

Almatyda áli de qar kóshkini qaýpi bar

Aımaqtar • Búgin, 11:42

Dzıýdo: Eýropa kýbogy aıaqtaldy

Sport • Búgin, 10:30

Keleli kelisim kepili

Saıasat • Búgin, 07:34

Kópbalalyǵa járdem de kóbirek

Úkimet • Búgin, 07:32

Jańalyǵy kóp jańa joba

Aımaqtar • Búgin, 07:29

Aýdandar ózin ózi qamtamasyz ete ala ma?

Ekonomıka • Búgin, 07:25

Tıimdi memleketke aparar jol

Qoǵam • Búgin, 07:18

El qorjynyna kezekti joldama tústi

Jeńil atletıka • Búgin, 07:09

Qarasazǵa aqpanda aqqý qondy

Aımaqtar • Búgin, 06:45

О́z teatryn ózgelerge tanystyrady

Aımaqtar • Búgin, 06:40

Esqaranyń Tanıa – Tana ájesi

Rýhanııat • Búgin, 06:40

Alashtyń uıasynan ushqan ǵalym

Rýhanııat • Búgin, 06:35

Uqsas jańalyqtar