Medısına • 16 Qazan, 2019

MÁMS: Medısınalyq saqtandyrý qoryna qandaı tólem engizilýi kerek

24 retkórsetildi

2020 jyldyń 1 qańtarynan bastap Qazaqstanda mindetti áleýmettik saqtandyrý júıesi iske qosylady. Sol ýaqyttan bastap jumys berýshiler óz qyzmetkerleriniń tabysynyń 1% ustap, Medısınalyq saqtandyrý qoryna aýdaryp bastaıdy. Bul týraly Nur-Sultan qalasy ákimdiginiń baspasóz qyzmeti habarlady.


2022 jyldan bastap jumys berýshi qyzmetkerleriniń tabysynyń 2% ustap, Medısınalyq saqtandyrý qoryna aýdaratyn bolady. Buǵan qosa, jumys berýshi jaldamaly qyzmetkerleri úshin 2020-2021 jyldary 2%, al 2022 jyly 3% aýdaratyn bolady.  Bul tólemder tegin kórsetiletin qyzmetke qaraǵanda keń aýqymdaǵy medısınalyq saqtandyrý paketine ıe bolýǵa múmkindik beredi.

Al qorǵa tólem aýdarmaǵandar medısınalyq qyzmetsiz qalmaıdy, olar ýchaskelik terapevtke baryp, tegin qan taldamasyn jasaı jáne birqatar aýrýlardy emdeı alady. Sondaı-aq jedel medısınalyq kómek te tegin bolyp qalady.

Saqtandyrylǵan adamdar tolyq birqatar tekserilýden ótip, ońaltý qyzmetterin ala alady.  Zań boıynsha eldegi jumys isteıtin barlyq adamdardan mindetti áleýmettik medısınalyq saqtandyrý qoryna tólem alynýy kerek. Bıyl tek jumys berýshiler ǵana tóleıdi, qyzmetkerleriniń jalaqysynan 1,5% aýdarady. Alaıda, tólemder barlyq uıymdar úshin mindetti: memlekettik jáne jekemenshik mekemeler óz esepterinen aýdarýy kerek.

Jumys berýshilerdiń, JK, jeke tájirıbemen jumys isteıtin tulǵalardyń medısınalyq saqtandyrý mindettemesin oryndaýmen Memlekettik kirister departamenti salyq mindettemesiniń prınsıpi boıynsha qadaǵalaıtyn bolady. Keshiktirilgen merzim úshin ósimpul qosylyp, ony tólemegen jaǵdaıda esep-shot buǵattalady. Jeke kásipkerler, sharýa qojalyqtarynyń ıeleri jáne jeke tájirıbemen aınalysatyn tulǵalar (qorǵaýshy, sot oryndaýshylary jáne t.b.) 2020 jyldan bastap aı saıyn MÁMS-ke 1,4 eń tómengi jalaqysynan 5% stavkasy boıynsha tólem aýdaryp otyrady.  Barlyq qalǵan turǵyndar (ózdiginen tóleıtin) medsaqtandyrýǵa eń tómengi jalaqysynyń 5% tóleı alady.

Eger turaqty kirisi men resmı jumysy bolmasa da medısınalyq saqtandyrýǵa qatysa alady. Mundaı múmkindik ózin-ózi jumyspen qamtyp otyrǵan qazaqstandyqtarǵa usynylyp otyr. Olar biryńǵaı jıyntyq tólemin tóleı alady.

Eń tómengi tólem úshin (0,5 — 1 AÁK) azamat úsh birdeı júıeniń qatysýshysy bola alady: zeınetkerlik (onyń eńbek ótili júredi), áleýmettik jáne medısınalyq saqtandyrý.


Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar