Aımaqtar • 16 Qazan, 2019

Almatyda «Azamattarǵa arnalǵan úkimet» uıymynda múgedektigi bar 52 maman jumys isteıdi

70 retkórsetildi

Statıstıkaǵa júginsek, qazirgi tańda Qazaqstanda baldaqqa súıengen, kresloǵa tańylǵan 690 myń adam bar. Onyń ishinde eńbekke qabiletti jastaǵylar – 424 myń bolsa, zeınetkerlik jasta – 177 myń adam, 18 jasqa deıingi balalar sany – 89 myń adam. Al árbir sannyń astarynda adam taǵdyry, talpynysy, kúızelisi men ómirge qushtarlyǵy qatar aıqasyp jatqany anyq.

Osyndaı tabıǵat jaratylysynan teperish kórgen jandarǵa «Biz sizdermen birgemiz!» degen sózben súıep, shynaıy demeý bola alatyn ujymdar bar.

Sonymen «Azamattarǵa arnalǵan úkimet» memlekettik korporasııasynyń  Almaty fılıaly qyzmetkerleriniń ujymdaǵy múgedektigi bar  áriptesterine aıtatyn qoldaý sózi de osy  – «Biz sizdermen birgemiz!».

Búginde fılıalda birinshi toptaǵy – 6, ekinshi toptaǵy – 26. Úshinshi toptaǵy – 20, barlyǵy – 52 múgedektigi bar mamandar jumys isteıdi, olardyń 42-i joǵary bilimdi. Múgedektigi bar azamattardy jumyspen qamtý máselesin Korporasııa basty nazarda ustap, qoǵamnyń basqa toptarymen teńestirý maqsatynda kóptegen jaǵdaılar jasap otyr. Jumysqa qabyldaý úshin arnaıy kvota qarastyrylyp, synaqsyz jumysqa alynady. Sonyń arqasynda, búginde bólimsheniń maıdan-keńseleri men bek-ofısterinde múgedektigi bar jastar qatarynan qalmaı, halyqqa sapaly qyzmet kórsetip otyr.

Úshinshi toptaǵy múgedektigi bar Baýyrjannyń Medeý aýdandyq maıdan-keńsesinde eńbek etkenine bir jyldan assa, ekinshi toptaǵy múgedektigi bar Temirlannyń kelgenine tórt aı bolǵan. Ekeýi de ujymǵa tez úırenip, áriptesterimen etene aralasyp ketti. Jumysqa jańa qabyldanǵan jastardy jatsynbaı, baýyrǵa  tartyp, bar bilgenin úıretken áriptesteri endi eki jigittiń alǵyrlyǵyna, eńbekqorlyǵyna tánti.

Fılıal basshysy Danııar Qyryqbaev ta óte eńbekqor, izdenimpaz, jaýapkershiligi mol mamandarǵa dán rıza.«Jastardyń jumysqa degen yntasy, bilimge degen qushtarlyǵy qýantady. Búginde olar óz úırengenderin ózgelerge úıretetin dárejege jetti. Qaladaǵy JOO-lar men mekemelerde ótetin sıfrlyq qyzmetterdi úıret jumystarynyń bel ortasynda da Baýyrjan júredi. Al Temirlan bolsa, az ýaqyttyń ishinde jumystyń qyr-syryn meńgerip aldy», – deıdi ol.

Temirlan da osyndaı ujymǵa tap kelgenine rıza. «Bilmegenimdi úıretip, qolushyn berýge daıyn jandar kóp. Eńbegimdi baǵalap, kótermelep otyrady. Jumysym qyzyqty, ýaqyttyń qalaı ótkenin de baıqamaı qalamyn. Kelgender kórsetken qyzmetime alǵystaryn aıtqanda, kádesine jarap jatqanyma qýanamyn», –- deıdi Temirlan Asýbaev.

Osylaısha, birligi jarasqan uıymshyl ujym múgedektigi bar jandardy «Biz Sizdermen birgemiz» dep baýyrǵa basyp, qarsy alyp, endi «Biz bárimiz birgemiz, ydyramas irgemiz!» dep urandaıdy.

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar