Aıtýynsha, Qazaqstanda sút beziniń qaterli isigimen aýyratyndar qatary jasaryp bara jatyr.
«Biz halyqqa obyr aýrýlaryn anyqtaıtyn tekseristerge, skrınıngterge kelińizder dep, aldyn alý jumystaryn barynsha nasıhattaımyz. О́mirińizdiń bir kúnin tekseriske arnańyz. Sút beziniń qaterli isigi qazir elimizde jasaryp barady. Bul dertke 32 jasynda, tipti 28 jasynda shaldyqqandar kezdesti. Sol sebepti, tegin tekseristen ótý jasyn 50-den 40 jasqa deıin tómendettik. Iаǵnı, osy jastaǵy áıelder kez kelgen klınıkaǵa kelip, tegin mammografııadan óte alady. Mammograftar barlyq jerde bar», - dedi Dılıara Qaıdarova.
Sonymen qatar elimizde qaterli isiktiń aldyn alý úshin balalarǵa tegin ekpe salynatynyn da aıtyp ótti.
«Dúnıejúzilik densaýlyq saqtaý uıymy jatyr moıny qaterli isigin vaksınasııa arqyly aldyn alýǵa bolatyn dertter qataryna jatqyzady. Biz jas qyz balalarǵa ata-ananyń ruqsatymen jatyr moıny qaterli isigi vaksınasııasyn tegin egýdi usynbaqpyz. Iаǵnı, ata-ana ruqsat berse, balasyna tegin vaksınasııa jasaımyz», - dedi Dılıara Qaıdarova.
