Úkimet • 16 Qazan, 2019

Mınıstr S.Omarov Qazaqstandyqtardy Nan kúnine arnalǵan merekemen quttyqtady

58 retkórsetildi

Búgin, 16 qazan Qazaqstanda alǵash ret «Nan kúni» merekesi atap ótilýde, bul kún Úkimettiń 2019 jylǵy 16 qyrkúıektegi qaýlysy negizinde belgilendi. Bul týraly Aýyl sharýashylyǵy mınıstrliginiń baspasóz qyzmeti habarlady.

«As atasy - nan» dep babalarymyz aıtqandaı barlyq taǵamnyń basynda nan turary sózsiz. О́ıtkeni nan – toqshylyq pen berekeniń, jaqsylyq pen barshylyqtyń nyshany.
 
«Dastarhanynda nany joqtyń, úıiniń sáni joq» demekshi bizdiń halqymyz nanǵa erekshe qurmet kórsetip, qıqymyna deıin aıaq asty etpeı, qasterleı biledi.
 
Qazaqstan astyqty el ekeni belgili. Qolymyzda shıkizat pen qajetti óndiris quraldary bar.Sondyqtan nan pisirý men astyq óńdeý salasyn damytýdyń biz úshin strategııalyq mańyzy zor.Elimizde astyq ósirýden bastap, nan óndirip, ony ótkizýge deıingi prosestermen on myńdaǵan adam aınalysady.
 
Jyl saıyn respýblıkanyń naýbaıhanalary shamamen 700-720 myń tonna nan óndiredi. Bul elimizdiń ishki qajettiligin óz óndirisimiz esebinen qamtamasyz etýge múmkindik beredi.
Barlyq nan pisirý kásiporyndaryn búgingi Nan kúni merekesimen quttyqtap, dámdi de tátti ári paıdaly nan pisirip otyrǵan barsha naýbaıshylarǵa erekshe qurmet bildiremin.
Elimizge amandyq, halqymyzǵa tynyshtyq tileımin. Laıym nan kóp bolyp, árdaıym toqshylyq zaman bolsyn» dedi, S.Omarov.
Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar