Qazaqstan • 17 Qazan, 2019

Jahandaǵy zamanaýı Qazaqstandyq mádenıet

58 retkórsetildi

Qazaqstan Respýblıkasynyń Reseı Federasııasyndaǵy el­shiliginde qazirgi qazaq poezııasy men prozasy anto­logııa­synyń orys tilindegi nusqasynyń tusaýkeser rásimi ótti.

Qazaq ádebıeti jınaǵynyń orys tiline aýdarmasy men jaryqqa shyǵýyn kórkem aý­dar­ma salasyndaǵy táji­rı­be­li reseılik mamandar­dyń qaty­sýymen Reseı Jazý­shy­lar odaǵynyń Máskeý qala­lyq bólimshesi men Máskeý mem­lekettik ýnıversıtetiniń bas­pasy júzege asyrdy. Anto­logııaǵa alǵysózdi Reseıdiń aka­demııalyq qoǵamdastyǵynyń kórnekti ókilderi jazdy. Mysaly, proza antologııasyna alǵysózdi Máskeý memlekettik ýnı­versıteti fılologııa fakýl­tetiniń prezıdenti, fılologııa ǵy­lymdarynyń doktory Marı­na Remnıova jazsa, qazirgi qazaq poezııasynyń jınaǵyna alǵy­sózdi A.M.Gorkıı atyn­daǵy Álem ádebıeti ınstıtý­ty­nyń dırektory, fılologııa ǵylymdarynyń doktory Vadım Polonskıı jazdy.

Máskeý memlekettik ýnı­ver­sıteti baspasynan jaryq kórgen qazaq prozasy men poezııasynyń jınaqtary endi orys tilinde sóıleıtin 14 mem­lekettiń 3,5 myńnan asa kitap­hanasyna, ýnıversıtetteri men ǵylymı ortalyqtaryna jet­kiziledi.

Tanystyrylymǵa Reseı Fede­rasııasy Prezı­den­tiniń aımaqaralyq jáne má­denı baılanystar basqar­masynyń basshysy Vladımır Chernov, Reseı Jazýshylar odaǵynyń basshylyǵy, son­daı-aq aýdarmashylar, ádebı redak­torlar, synshylar men sholýshylar, al Qazaqstan tara­pynan Qazaqstan Respýb­lı­kasy Prezıdentiniń kómek­shisi, «Rýhanı jańǵyrý» baǵdar­lamasyn júzege asyrý boıynsha Ulttyq komıssııa hatshysy Aıda Balaeva, Qazaqstan Res­pýblıkasynyń Reseı Federa­sııasyndaǵy Tótenshe jáne óki­letti elshisi Imanǵalı Tas­maǵambetov, Ulttyq aýdarma bıýrosynyń atqarýshy dırektory Raýan Kenjehanuly, Qazaq­stan Jazýshylar odaǵy tóraǵa­synyń orynbasary Aqberen Elgezek qatysty.

Zamanaýı qazaq ádebıeti úzdik úlgileriniń BUU-nyń 6 ti­line aýdarmasy «Ja­han­daǵy zamanaýı qazaqstandyq mádenıet» jobasy aıasynda júzege asyp otyr. Joba óz kezeginde Qazaq­stan Respýblıkasynyń Tuńǵysh Prezıdenti – Elbasy N.Nazarbaevtyń bastamasymen qolǵa alynǵan «Rýhanı jańǵyrý» baǵdarlamasynyń mańyzdy baǵyty bolyp tabylady. «Jahandaǵy zamanaýı qa­zaqstandyq mádenıet» joba­synyń mindeti – qazirgi zamanǵy Qazaqstannyń ádebıet, mýzyka, beıneleý óneri, horeografııa, kıno jáne teatr salalaryndaǵy mádenı qazynalaryn álem jurtshylyǵyna tanystyrý.

Tanystyrylym sal­ta­natynda sóz sóılegen Aıda Balaeva: «Bizdiń jobamyz 2017 jyly sáýir aıynda Tuń­ǵysh Prezıdent Nursultan Nazarbaev usynǵan «Rýhanı jańǵyrý» baǵdarlamasynyń aıasynda júzege asýda. Joba­nyń ózeginde zamanaýı álem­de ulttyń básekege qabilet­tiligi onyń mádenı jáne ın­tel­lektýaldyq áleýetimen ólshe­nedi degen qısyn jatyr. Bul tusaýkeser – «Jahandyq álem­degi zamanaýı qazaqstandyq máde­nıet» jobasynyń aıasyn­daǵy jumystyń jemisi. Ol qa­zaqstandyq ádebıet, mýzyka, beıneleý óneri, teatr jáne kıno týyndylaryn álemge tanys­tyrýǵa baǵyttalǵan» dedi.

Endi atalǵan joba júıeli túrde jalǵasyn taýyp, má­denıetaralyq qarym-qaty­nas­tardyń ulǵaıýyna negiz bola­dy degen senim mol. Al bul joly «Rýhanı jańǵyrý» baǵdarlamasynyń aıasynda 60 qazaqstandyq avtordyń tańdamaly shyǵarmalary tuńǵysh ret birden álemniń negizgi alty tiline aýdarylyp otyr. Jobany júzege asy­rýǵa Ulybrıtanııa, Fran­sııa, Ispanııa, Mysyr, Qytaı jáne Reseıdiń jetekshi bas­pa uıym­dary atsalysty. Antologııa álemniń bes qur­lyqtaǵy 90-nan asa eline taraıdy. Iаǵnı, buryn-sońdy dúnıe júzi oqyr­mandarynyń qolyna tımegen qazaq ádebıetiniń úzdik úlgi­lerimen 2,6 mlrd adam tanysýǵa múmkindik alady.

Osy arada naqtylaı ketsek, «Rýhanı jańǵyrý» baǵdar­lamasynyń bir baǵyty – «Jahandaǵy zamanaýı qazaq­stan­dyq mádenıet» jobasy ekeni belgili. Sonyń aıasynda qa­zirgi qazaq ádebıetiniń eki anto­logııasy aýdarylyp, jaryq kórip otyr. Olar – «Qazir­gi qazaq prozasynyń antolo­gııasy» men «Qazirgi qazaq poezııasynyń antologııasy». Ár antologııanyń kólemi shamamen 500 betteı, árqaısysyna 30 qazaqstandyq avtordyń tańdamaly shyǵarmasy engen.

 

 

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar