Qoǵam • 17 Qazan, 2019

Kedeıshilikten shyǵýǵa kómektesedi

80 retkórsetildi

Qaraǵandy oblysyndaǵy Osakarov aýdanynyń Oshaǵan aýylynda turatyn jalǵyz basty ana ataýly áleýmettik kómek qarjysyna jeke qosalqy sharýashylyǵyn quryp, otbasynyń materıaldyq jaǵdaıyn jaqsartýǵa qol jetkizdi.

Tatıana Eskınanyń kúıeýi biraz jyl buryn ómirden ótken eken. Sodan beri áıel jeti balany jalǵyz ózi tárbıelep otyr. Ol osyǵan deıin óziniń jeke sharýashylyǵy bolǵanyn armandaǵanymen qarajattyń tapshylyǵynan oıyndaǵysyn júzege asyra almaı júrgen-di. Sondyqtan otanasy bıyl AÁK-ten túsken aqshany únem­dep jınaı bastady. Biraz ýaqyt­tan keıin Eskınderdiń aýlasynda úsh buzaý, toǵyz qoıan jáne toraı paıda boldy.

«Endi kórshilerden bizdiń esh aıyrma­shy­lyǵymyz joq, óz sharýa­shy­ly­ǵymyz bar. Eń bastysy, balalarym qýanyp, bir­den úı janýarlaryna kútim jasaı bastady. Endi mal basyn kóbeıtýdi josparlap otyrmyn. Kim biledi, múmkin balalarym bolashaqta fermer de bolar. Barlyǵy da kishkentaı nárseden bastalady emes pe?!», degen kóp balaly ana keleshegine úmittene qaraıdy.

Jergilikti ákimdik ókil­de­riniń aıtýynsha, Eskın­derdiń tabysy kedeılik she­ginen tómen boldy (jan basyna shaqqandaǵy kiris – 8,772 teńge). Ataýly áleýmettik kómek taǵaıyndalǵannan keıin otbasy birtindep kedeılik shegin eńserip, kúrdeli jaǵdaı­dan shyqty.

«Ataýly áleýmettik kómek kóp balaly otbasylardyń ómir súrý jaǵdaıyn jaqsar­týǵa múmkindik beredi. Kómek alý­shy­­lardyń kópshiligi memleket esebinen qysqa merzimdi qaıta daıarlaý kýrstarynan ótedi. Keıbiri úı janýarlaryn satyp alyp, jeke qosalqy sharýashylyqtaryn damytady. Jalpy, Qaraǵandy oblysynda 9 myń 620 otbasy nemese 46 myń 915 adam 3,3 mlrd teńge kóleminde AÁK alady. Tatıana Eskınanyń otbasyna aı saıyn 145 myń 523 teńge kóleminde jalpy somasy 1 mln 746 myń teńgeni quraıtyn ataýly áleýmettik kómek taǵaıyndaldy», deıdi oblystyq Jumyspen qamtýdy úılestirý jáne áleýmettik baǵdarlamalardy úıles­ti­rý basqarmasynyń bastyǵy Ásem Júnis­be­kova.

Jýyrda Úkimet otyrysynda Eńbek jáne halyqty áleýmettik qorǵaý mınıstri Birjan Nurymbetov elimizde 2020 jyldyń 1 qańtarynan bas­­tap engizý jos­par­lan­ǵan AÁK kórsetýdiń jańa tetik­terin tanys­tyr­ǵa­ny belgili.

«Eń basty qaǵıda – memleket shyn máninde kómekke muqtaj adamdarǵa, aldyń­ǵy kezekte balalar men kóp balaly otbasy­lar­ǵa kómektesedi. Eńbekke qabiletti aza­mat­­tar jumys isteýi kerek. Memleket ju­mys­qa ornalastyrýǵa nemese shaǵyn bız­nes­­pen aınaly­sý­ǵa qol ushyn sozady. Mem­lekettik kómek alýǵa kóp balaly otbasylardy qoldaý, tabysy tómen otbasylarǵa ataýly áleýmettik kómek kórsetý, tabysy az otbasylardaǵy bala­larǵa kepildendirilgen áleý­mettik paket berý kiredi», degen-di Birjan Nurymbetov.

 

 

Sońǵy jańalyqtar

Basylym basshylary - Kórik DÚISEEV (1936-2007)

Basylym basshylary • Búgin, 16:26

«Jas kásipker» – jemisti joba

Aımaqtar • Búgin, 16:06

Basylym basshylary - Balǵabek QYDYRBEKULY (1929-1995)

Basylym basshylary • Búgin, 15:50

Basylym basshylary - Sapar BAIJANOV (1930-1999)

Basylym basshylary • Búgin, 15:27

Basylym basshylary - Uzaq BAǴAEV (1930-1973)

Basylym basshylary • Búgin, 15:12

Irjı Pachınektiń shyny baǵy

Aımaqtar • Búgin, 14:44

Almatyda áli de qar kóshkini qaýpi bar

Aımaqtar • Búgin, 11:42

Dzıýdo: Eýropa kýbogy aıaqtaldy

Sport • Búgin, 10:30

Keleli kelisim kepili

Saıasat • Búgin, 07:34

Kópbalalyǵa járdem de kóbirek

Úkimet • Búgin, 07:32

Jańalyǵy kóp jańa joba

Aımaqtar • Búgin, 07:29

Aýdandar ózin ózi qamtamasyz ete ala ma?

Ekonomıka • Búgin, 07:25

Tıimdi memleketke aparar jol

Qoǵam • Búgin, 07:18

El qorjynyna kezekti joldama tústi

Jeńil atletıka • Búgin, 07:09

Qarasazǵa aqpanda aqqý qondy

Aımaqtar • Búgin, 06:45

О́z teatryn ózgelerge tanystyrady

Aımaqtar • Búgin, 06:40

Uqsas jańalyqtar