Aımaqtar • 17 Qazan, 2019

Jas teatr issaparyn Mańǵystaýdan bastady

22 retkórsetildi

Halyq ártisi Asanáli Áshimov shákirtterinen quralǵan «Jańa ǵasyr» teatry el aralaýǵa shyqty. Bul týraly Mańǵystaý oblysynyń О́ńirlik kommnýıkasııalar qymzeti alańynda ótken brıfıngte teatr jetekshisi Talǵat Kýbekov málimedi.

- Teatr árýaqytta halyqpen teatr. Qurylǵanyna bir jyl tolǵan «Jańa ǵasyr» teatrynyń alǵashqy is-saparyn 362 áýlıe meken etken kıeli Mańǵystaý óńirinen bastaǵandy jón kórdik. Maqsatymyz - jas talanttardy halyqpen tanystyryp, elge kórsetý, dedi Qazaqstannyń halyq ártisi Asanáli Áshimov.

Jas teatrdyń bir ereksheligi – mundaǵy 27 ártistiń barlyǵy bir oqý ornynda, bir fakýltette birge oqyǵan kýrstastar. Qoıylymdaryn ózderi jazyp, ózderi qoıyp, ózderi oınap shyǵady. Bıyl ǵana qurylǵan ujym az ýaqytta qorjynyn 10 spektaklmen toltyryp úlgergen. Kostıýmer, rejısser, drammatýrg, akterlar da óz ishinde. Olar Aqtaýda alǵash kórermen nazaryna N.Jantórın atyndaǵy oblystyq mýzykalyq drama teart sahnasynda jas akter Eldar Tashkenbaıdyń shyǵarmasynan alynǵan «Sońǵy qońyraý» poetıkalyq komedııasyn usynbaq.

- Qazir 21-ǵasyr ǵoı. Búgingi kórermenniń kózqarasy bólek, oıy bólek. Soǵan laıyqty, soǵan saı shamamyz kelgenshe tyrysýdamyz.  Jańasha  jol izdep, akterlerdiń ról somdaý ádisterine de ózgerister engizdik,  dedi «Jańa ǵasyr» teatrynyń kórkemdik jetekshisi Talǵat Kýbekov.

Alǵashqy is-saparyn Mańǵystaý óńirinen bastaǵan teatr ujymynyń kelesi gastróldik sapary Atyraý, Aqtóbe, Batys Qazaqstan, Qyzylorda oblystarynda jalǵasatyn bolady.

 

 

Mańǵystaý oblysy

                          

 

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar