Aımaqtar • 17 Qazan, 2019

Mesenat Bekzat Altynbekov 10 anany «Egemenge» tegin jazdyrdy

84 retkórsetildi

Jezqazǵan qalasynda Qazaqstan halqy Assambleıasynyń «Qaıyrymdylyq kerýeni» aksııasy aıasynda óńirge aty máshhúr mesenat Bekzat Altynbekov kóp balaly otbasylarǵa tolymdy tartý jasap, syı-qurmet kórsetti. Bul joly jomart jan usynǵan kómekke úıinde toǵyz balasy bar Ahmetovter men alty bala ósirip otyrǵan Beısenbaevtar otbasylary ıe boldy.

Negizi, «Qaıyrymdylyq kerýeni» Jezqazǵan qalasynda biraz jyldan beri dástúrli túrde ótip kele jatqan sharapatty shara. Mesenattyń aıtýynsha, bıylǵy aksııa kópbalaly otbasylarǵa qurmet kórsetýdi aldyna maqsat etip qoıǵan eken.

– Negizi, birneshe otbasynyń áleýmettik jaǵdaıyn jan-jaqty qarastyryp, irikteýden ótkizdik. Olardyń ishinde tańdaý kómekke zárý bolǵanymen de, úıishilik yntymaǵy aırandaı uıyp otyrǵan shańyraqtarǵa tústi, – degen mesenat kópbalaly Ahmetovter men Beısenbaev otbasylaryna «Egemen Qazaqstan» gazeti atynan árqaısysy 100 myń teńge turatyn qaly kilemderdi tartý etti. Sondaı-aq, atalǵan otbasylardyń balalaryna maýsymdyq kıim-keshek alǵanǵa dep 100 myń teńge kóleminde aqshalaı kómek kórsetildi.  Budan bólek, eki úıge  jemis-jıdek pen azyq-túlikke toly sebetter syıǵa tartyldy. 

Bıylǵy «Qaıyrymdylyq kerýeni» aksııasy el gazeti «Egemen Qazaqstannyń» 100 jyldyq mereıtoıy aıasynda ótkendikten, mesenat Bekzat Altynbekov Jezqazǵan-Ulytaý óńiriniń mádenı ómirine ólsheýsiz eńbek sińirip júrgen «Aq ájeler» ansambliniń múshelerine tamasha tartý jasady. Jomart júrekten uysynylǵan jemis-jıdek toly sebetten bólek, 10 ónerpaz ájeniń árqaısyna bas basylymnyń  bir jyldyq jazylym kýpondary tabys etildi.

– Biz ájelerimizdiń otbasynda, jalpy qazaqtyń ár shańyraǵynda el jańalyǵyn jetkizetin «Egemen Qazaqstan» gazetiniń bolǵanyn qalaımyz. Sol sebepti aldaǵy ýaqytta da kómekke muqtaj qarııalarymyz bas basylymdy jyl boıy oqyp turýy úshin gazetke tegin jazdyryp otyratyn bolamyz, – dedi mesenat.

Qaraǵandy oblystyq máslıhatynyń depýtaty, oblystyq «Qoǵamdyq kelisim» keńesiniń tóraǵasy, Nur Otan partııasy Saıası keńesiniń múshesi Bekzat Altynbekov 15 jyldan beri qaıyrymdylyq isterimen aınalysyp keledi. Jomart jannyń jaqynda ǵana joǵary deńgeıde ótken «Tulǵa» syılyǵyn tapsyrý sharasy kóp sharýasynyń biri ǵana. «Tulǵa» demekshi, mesenat bul syılyqtyń resmı túrde bekitilip, arnaıy dıreksııasy men qory qurylyp, aldaǵy ýaqytta aqparat, óner, bilim salalary boıynsha jyl saıyn dástúrli túrde tapsyrylyp turatynyn málim etti.

Eske salsaq, Bekzat Altynbekovtiń jeke bastamasymen bıyl tuńǵysh ret ótken «Tulǵa» syılyǵynyń tapsyrylý saltanaty el gazeti «Egemen Qazaqstannyń» 100 jyldyq mereıtoıyna arnaldy.

    

 

Qaraǵandy oblysy

 

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar