Qazaqstan • 17 Qazan, 2019

Qazaqstan men BUU arasyndaǵy yntymaqtastyq talqylandy

71 retkórsetildi

Bul týraly Syrtqy ister mınıstrliginiń baspasóz qyzmeti habarlady. 

Nur-Sultan qalasynda ornyqty damý salasyndaǵy strategııalyq josparlaý boıynsha májilis ótýde. Memlekettik organdar, BUU eldik baǵdarlamasy, azamattyq qoǵam jáne ǵylymı toptar ókilderiniń qatysýymen ótip jatqan eki kúndik otyrystyń maqsaty – Qazaqstan men BUU arasyndaǵy ornyqty damý salasyndaǵy 2021-2025 jyldarǵa arnalǵan yntymaqtastyq baǵdarlamasynyń negizgi kontýrlary men basymdyqtaryn anyqtaý bolyp tabylady.

Otyrystyń ashylýynda sóz sóılegen QR Syrtqy ister mınıstriniń orynbasary Erjan Ashyqbaev Memleket basshysy Q.Toqaev aıqyndaǵan Qazaqstannyń damýynyń negizgi basymdyqtary jaıly baıandady. Atap aıtqanda, elimizdiń turǵyndarynyń ekonomıkalyq ál-aýqaty men áleýmettik jaǵdaıyn jaqsartý boıynsha júrgizilip jatqan jumys týraly atap aıtyldy. Otyrys qatysýshylary BUU-nyń 2030 jylǵa deıingi Kún tártibin iske asyrý jáne 80%-y strategııalyq memlekettik qujattar men baǵdarlamalarǵa engen Ornyqty damý maqsattaryn lokalızasııalaý boıynsha Úkimettiń jumysymen tanystyryldy.

BUU-nyń Qazaqstandaǵy Turaqty úılestirýshisi Norımasa Shımomýra Qazaqstan men BUU arasyndaǵy yntymaqtastyq deńgeıin jáne elimizdiń ornyqty damýyn qamtamasyz etý salasyndaǵy jetistikterin joǵary baǵalap, jańa strategııalyq qujat ózara seriktestikti odan ári nyǵaıtý úshin jaqsy negiz bolatytyna senim bildirdi.  

Sońǵy jańalyqtar

Qazaq kuresi assosıasıasy quryldy

Sport • Búgin, 13:48

Ǵaryshta adam qalaı uıyqtaıdy?

Tehnologııa • Búgin, 13:31

Shymkentte kóktemgi tazalyq sharasy ótti

Aımaqtar • Búgin, 13:21

29 aqpan - Kibise kúni

Qazaqstan • Búgin, 13:08

Almaty mańynda jer silkindi

Qazaqstan • Búgin, 11:55

Basty aqparat (28.02.2020)

Vıdeo • Keshe

Uqsas jańalyqtar