«Onyń ishinde birinshi sanatqa (basshylar men olardyń orynbasarlary) 819, ekinshi sanatqa (qurylymdyq bólimshelerdiń basshylary) 4690 ruqsat shyǵaryldy. ShJK tartýǵa arnalǵan ruqsattardyń kóp bóligi úshinshi (mamandar) jáne tórtinshi (bilikti jumyskerler) sanattaryna berildi – sáıkesinshe 9803 adam jáne 1738 adam. Sondaı-aq maýsymdyq jumystarǵa – 2 216, korporatıvtik aýysym aıasynda 1672 adam tartylǵan», delingen habarlamada.
Qazirgi ýaqytta Qazaqstanda ShJK paıdalanatyn 2 396 jumys berýshi bar. Olarda Qazaqstannyń 531,1 myńǵa jýyq azamaty jumys isteıdi, bul qyzmetkerlerdiń jalpy sanynyń 96% - yn quraıdy.
Eńbekshi mıgranttardyń negizgi shyqqan elderi Qytaı - 4 433 adam, О́zbekstan - 2320 adam, Úndistan - 1837, Túrkııa - 1828, Ulybrıtanııa - 1449 adam.
Ishki eńbek naryǵyn qorǵaý maqsatynda Qazaqstan Respýblıkasynyń Úkimeti jyl saıyn respýblıkaǵa sheteldik mamandardy tartýǵa kvota belgileıtinin eske sala ketken jón.
2019 jylǵa sheteldik jumys kúshin tartý kvotasy respýblıkanyń ekonomıkalyq belsendi halqynyń 0,54%-y (shamamen 48,7 myń adam) deńgeıinde belgilendi.
