Qoǵam • 17 Qazan, 2019

B.Saparbaev Ulttyq qoǵamdyq senim keńesi múshelerimen kezdesti

31 retkórsetildi

Premer-Mınıstrdiń orynbasary Berdibek Saparbaev Prezıdent janyndaǵy Ulttyq qoǵamdyq senim keńesiniń áleýmettik-mádenı jańǵyrý máseleleri jónindegi jumys tobynyń múshelerimen kezdesip, bilim men densaýlyq saqtaý sapasyn arttyrý máselelerin talqylady. Bul týraly primeminister.kz habarlady. 

 

Kezdesýge Májilis depýtaty J. Ahmetbekov, qoǵam qaıratkeri M. Ábenov, rejısser E. Tursynov, saıasatker S. Nurbek, «Team Qazagstan» jastar qozǵalysynyń kóshbasshysy A. Sadyrbaı, «Qazaq úni» JShS prezıdenti Q. Isa jáne jumys tobynyń basqa da músheleri qatysty. 

Sonymen qatar talqylaýǵa Úkimettiń áleýmettik blok mınıstrlikteriniń basshylary – QR Eńbek jáne halyqty áleýmettik qorǵaý mınıstri B. Nurymbetov, QR Mádenıet jáne sport mınıstri A. Raıymqulova, QR Bilim jáne ǵylym mınıstri A. Aımaǵambetov, QR Aqparat jáne qoǵamdyq damý mınıstri D. Abaev, QR Densaýlyq saqtaý vıse-mınıstri L. Aqtaeva qatysty.

«О́zderińiz bilesizder, Memleket basshysy qurǵan Ulttyq qoǵamdyq senim keńesi qoǵam men bılik arasyndaǵy senimdi nyǵaıtýdyń berik kópiri bolyp sanalady. Búginde bul – birlesken sheshimder qabyldaýǵa, damýdyń ózekti joldaryn izdestirýge baǵyttalǵan jańa kommýnıkasııalyq alań. Biz áleýmettik-mádenı jańǵyrtýdyń odan ári mańyzdy aspektilerin talqylaýǵa jınaldyq», dedi B. Saparbaev óz sózinde.

Vıse-premer áleýmettik-mádenı saladaǵy Ulttyq keńes músheleriniń usynystaryn qaraý qorytyndysy týraly jumys tobynyń múshelerine aqparat berdi. Sonyń ishinde, memlekettik organdar Mádenıet jáne sport mınıstrligi janynan mádenı saıasat jónindegi keńesti qurý, daryndy balalardy qoldaý jáne alǵa tartý, mádenı týrızmniń jańa oryndaryn qurý, pedagog mártebesin arttyrý jáne basqa da usynystardy qoldady. 

О́z kezeginde Ulttyq keńes músheleri bilim berý men densaýlyq saqtaý sapasyn arttyrý, mádenıet pen sporttyń tanymaldylyǵyn arttyrý, JOO-lar túlekterin eńbekke ornalastyrý, memlekettik til mártebesin kóterý, jastarǵa rýhanı-adamgershilik tárbıe berý problemalaryn sheshý, dári-dármektermen qamtamasyz etý, tarıhı otanyna oralǵan qandastarǵa qoldaý kórsetý boıynsha birqatar usynystar bildirdi. 

Kezdesý barysynda Úkimet pen Ulttyq keńes músheleri áleýmettik-mádenı salany jańǵyrtý, ótkir áleýmettik problemalardy sheshý boıynsha ózekti máselelerdi talqylady. 

Kezdesýdiń sońynda Berdibek Saparbaev Ulttyq qoǵamdyq senim keńesiniń múshelerine mazmundy dıalog órbigeni úshin alǵys bildirdi.

«Búgin syndarly ári ashyq áńgime boldy dep oılaımyn, azamattarymyzdy tolǵandyratyn ózekti máseleler qaraldy. Sizderdiń barlyq usynystaryńyzdy memlekettik organdar eskeretin bolady. Memleket basshysy alǵa qoıǵan mindetterdi iske asyrý men áleýmettik máselelerdi sheshý boıynsha aldaǵy ýaqytta da jemisti ózara yntymaqtastyǵymyzdy jalǵastyratynymyzǵa senim bildiremiz», dep túıindedi B. Saparbaev.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar