Qazaqstan • 17 Qazan, 2019

Prezıdent Arhıvine – 25 jyl

82 retkórsetildi

Qazaqstan Respýblıkasy Prezıdentiniń 1994 jylǵy 14 qańtardaǵy Jarlyǵymen Jańa tarıh Ortalyq memlekettik arhıviniń negizinde qurylǵan Qazaqstan Respýblıkasy Prezıdentiniń Arhıvi 25 jyldyq mereıtoıyn atap ótýdi bastady.

Qazaqstan Respýblıkasy Prezıdentiniń, onyń Ákimshiliginiń jáne Memleket basshysyna tikeleı baǵynysty basqa da memlekettik organdardyń qyzmetterin arhıvtik qamtamasyz etý jónindegi mindetterdi oryndap kele jatqan Prezıdent Arhıvi qurylǵanyna shırek ǵasyr tolǵan ataýly kúnge oraı «Qazirgi kezeńdegi arhıv isi: máseleler, tájirıbeler, ınnovasııalar» atty II halyqaralyq ǵylymı-tájirıbelik konferensııa uıymdastyrdy. II halyqaralyq ǵylymı-tájirıbelik konferensııa arhıv isiniń jaǵdaıy men damýy máselelerine arnaldy. Konferensııa ótkizip, ózara baılanys jasaý jańa ıdeıalardy ázirleýde, kásibı tájirıbeler men pikir almasýda asa mańyzdy oryn alatyny belgili.

Qazaqstan Respýblıkasy Prezıdenti Keńsesiniń basshysy N.Ońjanov konferensııa qatysýshylaryna arnaıy quttyqtaý hatyn joldady. «Bıylǵy forým el damýynyń  keleli kezeńderin baıandaıtyn, baǵa jetpes baı mádenı jáne rýhanı muralarǵa qol jetkizýge, urpaqtar sabaqtastyǵy men ýaqyt bederiniń baılanysyn sezinýge múmkindik beretin qujattyń qaınarkózi – Qazaqstan Respýblıkasy Prezıdenti Arhıviniń qurylǵanyna 25 jyl tolýyna oraılastyrylyp otyr. Mundaı mańyzdy mereıtoı óz kásibine adal berilgen jáne iske jaýapkershilikpen qaraıtyn qyzmetkerlerdiń adal, izdenimpaz eńbegin atap ótýdiń jarqyn kórinisi. Memleket tarapynan Qazaqstan Respýblıkasynyń ulttyq arhıv qoryn tolyqtyrý jáne arhıv salasyn jetildirýge baǵyttalǵan sharalarǵa jan-jaqty qoldaý kórsetilip keledi. Konferensııanyń qurylymdyq baǵytta ótetinine, al aıtylǵan ıdeıalar men keńester qatysýshylar arasyndaǵy kásibı baılanystardy odan ári nyǵaıtýǵa jáne olardy júzege asyrýdyń tájirıbelik sharalaryn ázirleýge kómektesetinine senemin» degen ol hatynda.  

17-18 qazanǵa josparlanǵan halyqaralyq konferensııa jumysyna Qazaqstan, Qyrǵyzstan, Polsha, Reseı jáne О́zbekstan memleketteriniń arhıv isindegi jetekshi sarapshylary men tájirıbeli mamandary shaqyrylǵan. Tarıhı murany nasıhattaý maqsatynda Prezıdent Arhıvi «Rýhanı jańǵyrý» baǵdarlamasy aıasynda qoǵamdyq mańyzdy is-sharalardy turaqty túrde ótkizip keledi. Is-sharalardyń basym bóligi otandyq jáne sheteldik arhıvtermen, mádenıet uıymdary, oqý oryndary jáne taǵy basqa mekemelermen birlesken túrde uıymdastyrylady. Arhıvte shet memleketterdegi áriptesteriniń qatysýymen shaǵyn basqosýlar, ǵylymı máni joǵary jıyndar jıi ótedi. Qazaqstandyq áriptesterimen turaqty ári myǵym baılanys ornatqan V. Pıleskıı atyndaǵy Tilektestik jáne batyldyq ınstıtýty «Shyǵys arhıvi» ǵylymı baǵdarlamasynyń meńgerýshisi, tarıh ǵylymdarynyń doktory Ejı Rogozınskı Qazaqstanǵa jer aýdarylǵan polıak otbasysy Iаblonskıılerdi ajaldan aman alyp qalǵan maqtaraldyq qarııa Tasybaı Ábdikárimovke Polshanyń Alǵys ordenin tabystaýǵa uıytqy bolǵany málim. Al onyń jerlesi, Gdansk qalasyndaǵy Ekinshi dúnıejúzilik soǵys mýzeıiniń ǵylymı qyzmetkeri Dmıtrıı Panto bolsa «Polıaktar men Polsha azamattarynyń Qazaqstanǵa jer aýdarylýy. Qazaqstan Respýblıkasy Prezıdent Arhıviniń qujattary boıynsha» atty kitap jarııalaǵan edi. Kitap jaqynda ǵana polıak tilinde jaryq kórdi. Qazir ol Prezıdent Arhıvi derekteri negizinde jazylatyn ekinshi kitabyn jazý jumysyn bastap ketti.

Prezıdent Arhıvinde Qazaqstannyń HH–HHI ǵasyrdaǵy saıası tarıhynyń qujattary saqtalǵan. 2019 jylǵy 1 qańtardaǵy derekter boıynsha arhıv qory 810 myńnan astam saqtaý birligin qurap otyr. 

Arhıv El Prezıdentine tikeleı baǵynysty memlekettik organdardyń, sonymen qatar qoǵamdyq birlestikterdiń, Qazaqstan halqy Assambleıasynyń qurylymyna enetin ulttyq mádenı ortalyqtardyń qujattaryn jınaqtaıdy.

Arhıv IT-tehnologııalardy qoldaný salasyndaǵy otandyq jetekshi arhıv mekemeleriniń biri bolyp tabylady. Arhıvte 80 myńǵa jýyq isterdiń sıfrlyq formatqa ótkizilgen arhıv qujattary elimizdegi paıdalaný qorynyń eń kólemdisi bolyp tabylatyn bólikten turatyn Elektrondyq arhıv qyzmet etedi, qor jyl saıyn sıfrlyq formatqa kóshirilgen 25 myń saqtaý birligimen tolyqtyrylyp otyrady.

Osy ýaqyt aralyǵynda Arhıvtiń oqyrman zalynda otandyq jáne sheteldik 7 myńnan astam ǵalym-zertteýshiler izdestirý jumystarymen aınalysty. Atalǵan jyldar kóleminde 150-den astam ádistemelik quraldar, jadýaldar daıyndaldy. Vedomstvolyq arhıv jáne is júrgizý qyzmetiniń qyzmetkerlerine arnalǵan 170 semınar-keńes, iskerlik oıyndar, sheberlik sabaqtary jáne kásibı trenıngterdiń basqa da túrleri ótkizildi.

Konferensııada álemdik arhıv ǵylymynyń jetistikteri jáne ekonomıka men qoǵamnyń jedeldetilgen tehnologııalyq jańǵyrýynyń tájirıbelerin, tıimdi aqparattyq izdeýdi uıymdastyrýdy, aqparattyq resýrstardy irikteý, skanerleý, katalogtaý, arhıvtik málimetter bazasyna qoljetimdilik jáne taǵy da basqa ózekti  máselelerdi qarastyrý, sonymen qatar arhıv isiniń jaǵdaıy men damý keleshegi talqylanýda. Basty nazar arhıvterdegi sıfrlyq resýrstardy ıntegrasııalaý jaǵdaıy men bolashaǵyna, birtutas aqparattyq keńistiktiń bólshegi retinde aqparattyq arhıvtik ortany qurýǵa aýdarylyp otyr.

Is-sharanyń ashylý saltanatyna Qazaqstan Respýblıkasy Prezıdenti Ákimshiliginiń, Qazaqstan Respýblıkasy Mádenıet jáne sport mınıstrliginiń, dıplomatııalyq korpýs ókilderi, Qazaqstandaǵy memlekettik arhıv mekemeleriniń basshylary qatysýda.

 

ALMATY

 

Sońǵy jańalyqtar

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar