Qujatty daıyndaý kezinde halyqaralyq ekologııalyq retteý tájirıbesi, qaýymdastyqtardyń, halyqtyń pikiri men usynystary esepke alyndy. Jobadaǵy normanyń biri – «zańbuzýshy joıady» mindetti qaǵıdatynyń engizilýi.
«Iаǵnı, zań buzýshynyń ekologııalyq zardapty tabıǵı túrde joıýy, qaıtalanǵany úshin qyzmetin toqtatýǵa deıingi jaýapkershiligi, jobalaý kompanııalarynyń jaýapkershiligi mindettemesi engiziledi», dedi vıse-mınıstr.
Ekologııalyq kodeksti jetildirýdegi basty baǵyttyń biri – «lastaýshy tóleıdi» ekologııalyq qaǵıdatyn iske asyrý.
«Bul baǵyt tolyqtaı ekologııalyq retteýden bas tartýdy qarastyrady. Tolyp jatqan tabıǵatty paıdalanýshyny tártipke shaqyrmaı-aq, tek iri lastaýshy kásiporyndarǵa kóńil bólý qajet. Bul rette osy iri kásiporyndardyń bárin esepke alý úshin bul sanattaǵylardyń dál sanyn anyqtaý qajet», - dep atap ótti.
Sondyqtan jańa Ekologııalyq kodekste mundaı talapty tek «Birinshi sanattaǵylarǵa» qatysty ǵana qoldaný usynylýda, osylaısha, shyn mánindegi ekologııalyq qaýipti nysandarǵa ǵana nazar aýdarylady. «Birinshi sanattaǵy» kompanııalar sondaı-aq óndiriske zııandy zattar shyǵaryndylaryn tómendetetin «eń ozyq qoljetimdi tehnologııalardy» engizýge tıis.
