Qazaqstan • 17 Qazan, 2019

Tbılısıde saıası konsýltasııalar ótti

42 retkórsetildi

Syrtqy ister mınıstrligi men Grýzııanyń Syrtqy ister mınıstrligi arasynda saıası konsýltasııalar ótti. Qazaqstan delegasııasyn Syrtqy ister mınıstriniń orynbasary Marat Syzdyqov, grýzın delegasııasyn Syrtqy ister mınıstriniń orynbasary Aleksandr Hvtısıashvılı basqardy. Bul týraly mınıstrliktiń baspasóz qyzmeti habarlady. 

Taraptar saıası, ekonomıkalyq jáne mádenı-gýmanıtarlyq salalardaǵy ekijaqty yntymaqtastyqty odan ári damytý keleshekterin talqylap, qyrkúıekte BUU BA sessııasy sheńberinde eki el Prezıdentteriniń kezdesýi, mamyrda Grýzııa Premer-mınıstriniń Qazaqstanǵa resmı sapary, Úkimetaralyq komıssııanyń kezekti otyrysynyń ótkizilýi ekijaqty yntymaqtastyqqa jańa serpin bergeni atap ótti. 

Konsýltasııaǵa qatysýshylar ınvestısııa, saýda jáne týrızm salalaryndaǵy yntymaqtastyqty damytý, sondaı-aq eki eldiń tranzıttik áleýetin tıimdi paıdalanýdyń mańyzdylyǵyn talqylady. 

Halyqaralyq kún tártibiniń ózekti máseleleri boıynsha pikir almasyp,eki memlekettiń halyqaralyq uıymdar sheńberindegi tyǵyz yqpaldastyǵy,ekijaqty yntymaqtastyqtyń sharttyq-quqyqtyq bazasyn ózektendirý máseleleri qaraldy.

M.Syzdyqov Qazaqstannyń Grýzııamen dostyq qatynastar men syndarly saıası dıalogty damytýǵa, kópsalaly ekonomıkalyq yntymaqtastyqty keńeıtýge daıyn ekendigin atap ótti. Bul rette kólik-logıstıka salasynda, atap aıtqanda, Qazaqstan jáne Grýzııanyń porttaryn paıdalanyp, eki el arasyndaǵy júk tasymalyn júzege asyrý boıynsha birlesken jumystyń mańyzdylyǵy aıtyldy.

A.Hvtısıashvılı Qazaqstannyń Grýzııa úshin mańyzdy saýda-ekonomıkalyq áriptesteriniń biri ekendigin atap kórsetip, qol jetkizilgen saıası baılanystardyń joǵary deńgeıin, ózara saýda aınalymynyń kólemi men eki elge baratyn týrıster sanynyń aıtarlyqtaı artyp otyrǵanyn, tyǵyz qatynastardy saqtaý men kóbeıtýdiń mańyzdy ekendigine toqtaldy.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar