Parlament • 17 Qazan, 2019

Májiliste densaýlyq saqtaý júıesi týraly kodeks jobasynyń tanystyrylymy ótti

53 retkórsetildi

Bul týraly Parlament Májilisiniń baspasóz qyzmeti habarlady. 

Parlamenti Májilisinde «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń kodeksi men «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy jobalarynyń tanystyrylymy ótti.

Tanystyrylymǵa QR Parlamenti Májilisiniń depýtattary, densaýlyq saqtaý, qarjy, ádilet, ulttyq ekonomıka, ishki ister mınıstrlikteriniń qyzmetkerleri, medısınalyq uıymdardyń basshylary, densaýlyq saqtaý salasyndaǵy sarapshylar, qoǵamdastyq jáne BAQ ókilderi qatysty

Tanystyrylymnyń moderatory Áleýmettik-mádenı damý komıtetiniń tóraıymy, depýtat G.N. Ábdiqalyqova óziniń kirispe sózinde «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy kodeksiniń jobasy Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn iske asyrý maqsatynda ázirlengen. Jumys tobynyń aldaǵy mindeti – densaýlyq saqtaý salasyndaǵy oń ózgerister úshin zańnamalyq negiz bolýy úshin Kodeks jobasy men Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly ilespe zań jobasyn sapaly qaraý qajet ekenin atap ótti komıtet tóraıymy.

Qujatty Qazaqstan Respýblıkasynyń Densaýlyq saqtaý mınıstri Ermek Birtanov baıandady.

Atalǵan zańǵa úkimettik túzetýlerdi talqylaý barysynda Májilis depýtattary A. Tasbolatov, B. Hamenova, O. Shıshıgına, I. Aronova basqa da birqatar halyq qalaýlylary zań jobasyndaǵy kemshin tustaryna nazar aýdaryp, ásirese, halyq densaýlyǵyna qatysty, densaýlyq saqtaý júıesi týraly ózekti suraqtardy alǵa tartty.

Zań jobasy retteý quraldaryn ońtaılandyrý, qoǵamdyq densaýlyqty saqtaýdy kúsheıtýge; ult densaýlyǵyn, onyń ishinde jastardyń reprodýktıvti densaýlyǵyn nyǵaıtýǵa; memlekettiń, jumys berýshiler men halyqtyń óz densaýlyǵy úshin ortaq jaýapkershiligin kúsheıtýge; sıfrlyq densaýlyq saqtaýdy damytýǵa; medısına qyzmetkeriniń mártebesin kóterýge baǵyttalǵan normalar kózdelgen. Ilespe zań jobasymen 21 zańnamalyq aktige, onyń ishinde 8 kodekske (qylmystyq, qylmystyq-prosestik, qylmystyq-atqarý, azamattyq prosestik, kásipkerlik, eńbek kodeksterine, ákimshilik quqyq buzýshylyq týraly kodekske, neke jáne otbasy týraly kodekske) tıisti túzetýler engiziledi.

Qazaqstan Respýblıkasynyń Densaýlyq saqtaý mınıstri E.A. Birtanov óz baıandamasynda Kodeks jobasynyń jańa redaksııasyn ázirleý kezinde eldiń strategııalyq qujattarynda kórsetilgen densaýlyq saqtaýdy damytýdaǵy jahandyq baǵyttar jáne halyqaralyq uıymdardyń (EYDU jáne DDU) usynymdary eskerilgenin habarlady.

Sondaı-aq mınıstr Kodeks jobasynyń jáne ilespe zań jobasynyń negizgi jańalyqtary týraly atap ótti. Ilespe zań jobasymen 21 zańnamalyq aktige, onyń ishinde 8 kodekske (qylmystyq, qylmystyq-prosestik, qylmystyq-atqarý, azamattyq prosestik, kásipkerlik, eńbek kodeksterine, ákimshilik quqyq buzýshylyq týraly kodekske, neke jáne otbasy týraly kodekske) tıisti túzetýler engiziledi.

Jobalardy qabyldaý medısınalyq kómektiń qoljetimdiligi men sapasyn arttyrýǵa, densaýlyq saqtaý salasyndaǵy qatynastardy tıimdi retteýdi belgileýge yqpal etetin bolady, zańnamalyq qaıshylyqtardy azaıtýǵa, normalardy Qazaqstan Respýblıkasynyń halyqaralyq mindettemelerimen úılestirýge, shetelderde praktıkada tabysty iske asyrylatyn jańa quqyqtyq ınstıtýttardy engizýge jáne densaýlyq saqtaý deńgeıin EYDU elderiniń standarttaryna jaqyndatýǵa múmkindik beredi.

Tanystyrylymda aıtylǵan ózekti máseleler men usynystar jumys tobynyń otyrystarynda qaralatyn bolady. Osy topty Májilis depýtaty Záýresh Amanjolova basqarady.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar