Prezıdent • 17 Qazan, 2019

Q.Toqaev Cheh Respýblıkasy Depýtattar palatasynyń tóraǵasymen kezdesti

114 retkórsetildi

Memleket basshysy Qazaqstanǵa resmı saparmen kelgen Cheh Respýblıkasy Depýtattar palatasynyń tóraǵasy Radek Vondrachekpen kezdesti. Bul týraly Aqordanyń baspasóz qyzmeti habarlady. 
 

Taraptar Qazaqstan men Chehııa arasyndaǵy qatynastardyń qazirgi ahýaly men perspektıvalaryn, atap aıtqanda, Qazaqstan – Eýropalyq odaq, Ortalyq Azııa – Eýropalyq odaq jáne Ortalyq Azııa – Vyshegrad tórttigi (Chehııa, Polsha, Vengrııa jáne Slovakııa) sııaqty kópjaqty formattaǵy yqpaldastyq máselelerin talqylady.

Memleket basshysy  Radek Vondrachekti Barqyt tóńkerisiniń 30 jyldyǵymen, Chehııanyń NATO-ǵa kirýiniń 20 jyldyǵymen jáne aldaǵy Respýblıka kúnimen quttyqtady. Sondaı-aq Prezıdent Qazaqstannyń Eýropalyq odaqtaǵy mańyzdy saıası ári ekonomıkalyq seriktesi sanalatyn Chehııamen aradaǵy baılanystardy odan ári damyta beretinimizdi atap ótti.

– Sizdiń bul saparyńyz eki el parlamentteri arasyndaǵy ózara is-qımyldardy nyǵaıtý turǵysynan ǵana emes, sondaı-aq, ekijaqty yntymaqtastyqqa tyń serpin berý maqsatynda da óte mańyzdy, – dedi Memleket basshysy.

О́z kezeginde cheh saıasatkeri qonaqjaılyq kórsetip, jyly qabyldaǵany úshin Memleket basshysyna alǵys bildirip, elimizde júzege asyrylyp jatqan reformalardy joǵary baǵalady.

– Cheh Respýblıkasynyń ókili retinde eki el arasyndaǵy yntymaqtastyqtyń dostyq jáne dástúrli rýhta órbip, óte tyǵyz ári tereń qarym-qatynastyń qalyptasqanyn rastaýǵa múmkindik týǵanyna qýanyshtymyn,– dedi  Radek Vondrachek.

Sońǵy jańalyqtar

Qazaq kuresi assosıasıasy quryldy

Sport • Búgin, 13:48

Ǵaryshta adam qalaı uıyqtaıdy?

Tehnologııa • Búgin, 13:31

Shymkentte kóktemgi tazalyq sharasy ótti

Aımaqtar • Búgin, 13:21

29 aqpan - Kibise kúni

Qazaqstan • Búgin, 13:08

Almaty mańynda jer silkindi

Qazaqstan • Búgin, 11:55

Basty aqparat (28.02.2020)

Vıdeo • Keshe

Uqsas jańalyqtar