Parlament • 18 Qazan, 2019

Turǵyn úı-kommýnaldyq sharýashylyq salasyn jetildirýdi kózdeıdi

6 retkórsetildi

Qazaqstan Respýblıkasy Parlamenti Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy qaraldy, dep habarlady Senattyń baspasóz qyzmeti.

Zań jobasy turǵyn úı-kom­­mý­naldyq sharýashylyq salasyn­daǵy zańnamany jetil­dirý maqsatynda ázirlengen bola­tyn. Jobamen birqatar zańna­malyq aktige ózgerister men tolyq­tyrýlar engiziledi.

Zań jobasymen «bir úı – mú­liktiń menshik ıeleriniń bir bir­lestigi – bir shot» qaǵıda­ty boıynsha kondomınıým obek­tisin basqarýdyń jańa úlgi­si usynylady. Senator Á.Qur­taevtyń aıtýynsha, bul qaǵıda árbir úıdi basqarý jónindegi je­ke ádisti qarastyrady. Páter ıe­leri kooperatıvteriniń qyzmeti árbir úıdiń aǵymdaǵy jáne jınaq shotyn paıdalaný arqyly qarjylandyrylady.

Zań jobasymen kondomınıým obektisiniń ortaq múlkin kúr­deli jóndeýdi qarjylandyrý teti­gi engiziledi, ol páterler men turǵyn emes úı-jaılardyń men­shik ıeleriniń qarajatty jınaq­taýyna jáne ekinshi deńgeı­degi bank­ten qaryz alýyna negiz­delgen. Mamandandyrylǵan qor MIB-tiń turǵyn úı qaryzyn óteý jónindegi mindettemelerdi oryn­daýyn kepildendiretin bolady.

Sonymen qatar turǵyn úı-qurylys kooperatıvin qurý, onyń qyzmetin júzege asyrý jáne toqtatý tártibi, múshelik shart­tary men jarǵy mazmuny retteledi.

Zań jobasymen basqarýshy jáne servıstik kompanııalar qyz­metteriniń ashyqtyǵyn artty­rýǵa jáne Úı keńesin qurý jáne elektrondy aqparattyń resýrs­tar men aqparattyq júıelerdi engizý arqyly páterler men turǵyn emes úı-jaılardyń men­shik ıeleri tarapynan baqylaýdy qam­tamasyz etýge, sondaı-aq tur­ǵyn úı salasyndaǵy quqyq­tyq qatynastar sýbektileriniń arasyndaǵy ózara qarym-qaty­nasty jaqsartýǵa baǵyttalǵan erejeler usynylady.

Zań jobasy Palatanyń qaraýyna jiberildi.

 

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar