Aımaqtar • 18 Qazan, 2019

«Adaldyq alańy» adamgershilikke baýlıdy

307 retkórsetildi

Elimizde sybaılas jemqorlyqqa qarsy is-qımyldyń jańa modeli qoldanysta. Sybaılas jemqorlyqtan azat Qazaqstanda turatyn patrıot jáne básekege qabiletti jastardy tárbıeleý maqsatynda 2018-2020 jyldarǵa arnalǵan «Sanaly urpaq» jobasy júzege asyp keledi. Joba aıasynda jemqorlyqsyz orta qalyptastyra otyryp, elimizdegi bilim berý uıymdarynyń ozyq tájirıbeleri ortaq ıgi iske jumyldyrylýda.

Memleket basshysynyń osy maqsattaǵy tapsyrmalaryn júzege asyrýǵa baılanysty Almaty qalasy boıynsha Sybaılas jemqorlyqqa qarsy kúres departamentiniń «Almaty – adaldyq alańy» jobalyq ofısi qoǵamdy adamgershiliktiń izgi qasıetterine baýlyp, jastardy qaıyrymdy isterge shaqyrý, tárbıeleý maqsatynda «Izgilik elshisi» jobasyn jolǵa qoıdy. Jobanyń bas­tamashysy – Sybaılas jemqorlyqqa qarsy is-qımyl agenttigi.

Almaty qalasyndaǵy joǵary oqý oryn­da­ry­nyń basshylarymen Ulttyq kitapha­na­da ótken kezdesýde Almaty qalasy boıynsha Sybaılas jemqorlyqqa qarsy kúres departamentiniń bastyǵy Qaırat Súntaev bilim berý sapasyn arttyrýmen qatar, tulǵalyq qasıetterge toly, adamgershiligi joǵary jastardy tárbıeleýdi maqsat etetin elimizdiń joǵary oqý oryndarynyń bul jobany júzege asyrýǵa qoldaý kórsetýi asa mańyzdy ekendigin atap ótti. Jobanyń Memleket basshysy tarapynan tikeleı qoldaý tapqan­dyǵyn jetkizgen Q.Súntaev joǵary oqý oryn­dary basshylaryn birlese jumys istep, qoǵamdy izgilendirýge shaqyryp, sóz kezegin jobanyń úılestirýshisi Aınur Sábıtovaǵa usyndy. Júzege asa bastaǵan sanaýly kúnderdiń ishinde joba eriktileri 18 kómekke zárý otbasyna qoldaý kórsetken. Olardyń qatarynda kóp balaly jáne múgedek bala asyrap otyrǵan otbasylar bar. Qazirgi kezde «Izgilik elshisiniń» eriktileri retinde 120-dan astam jas tirkelipti. Aınur Sábıtova jobaǵa qatysýǵa yntaly eriktilerdi oqytý máselesin qozǵap, izgi.kz saıtynyń jumysymen tanystyryp ótti.

Bilim jáne ǵylym vıse-mınıstri Rústem Bıǵarı Almaty qashanda stýdentter qalasy bolǵandyǵyna toqtalyp, ıgi sharaǵa joǵary oqý oryndary naýqanshyldyqsyz, básekesiz baratynyna senim bildirdi. Erikti kómek árbir azamattyń qalaýymen, meıiriminen týyndaýy qajet ári uıymdasqan túrde júzege asqany abzal.

Elimizde eriktiler qozǵalysynyń otyz jylǵa jýyq tarıhy bar. Búginde quramy jastardan turatyn «Eriktiler lıgasy» jumys istep keledi. Kóptegen qoǵamdyq uıymdardyń osy baǵyttaǵy sharalary nátıjeli isterimen aıshyqtalýda. Nur Otan partııasynyń da qabyldaý bólmeleri azamattardyń usynys-pikirlerin damylsyz qabyldap keledi. Almaty qalasy Qoǵamdyq keńesiniń múshesi Rahman Alshanov bul iste naqty bir júıe kerektigin aıtady. Ár bastaǵan istiń arnaıy tujyrymdamasy jasalýy shart. Áleýmettik kómek kórsetýdiń astarynda kózge kórinbeıtin, eriktiler ǵana betpe-bet keletin jaǵdaılar kezdesedi. Osy oraıda eriktilerdiń jolaqysy, qaýipsizdigi, tamaqtaný máselesi de eskerilýi kerek. Otyz jylǵa jýyq tájirıbe jınaqtaǵan eriktiler qozǵalysynda áli de jetildiretin, jetispeıtin tustary bar. Osy jyldarda ozyq tájirıbeler jınaqtalǵanymen de, aqyldasa jumys istegen abzal.

 «Almaty – adaldyq alańy» jobalyq ofısiniń jetekshisi A.Bratenkov, «Sanaly urpaq» jobalyq ofısiniń jetekshisi Q.Tokýshev, Qazaq agrarlyq ýnıversıtetiniń rektory T.Espolov, Ál-Farabı atyndaǵy QazUÝ rektory Ǵ.Mutanov, T.Júrgenov atyndaǵy óner akademııasynyń rektory A.Ábdýálıev, t.b. joǵary oqý oryndarynyń basshylary «Rýhanı jańǵyrý» baǵdarlamasyn júzege asyrýdy maqsat etetin jobaǵa qoldaý kórsetýge daıyn ekendikterin bildirdi.

Tyń jobanyń ereksheligi, qoǵamda oryn alǵan jat ádettermen kúres, ardagerlerge kómek kórsetý, qalanyń tazalyǵyn qadaǵalaý, balalar úıirmelerin uıymdastyrý, jan-janýarlardy qorǵaý bolyp tabylady ári osynaý izgi sharalarǵa barlyq jastaǵy azamattar qatysa alady.

 

ALMATY

Sońǵy jańalyqtar

Kóktemgi egiske kóp qalǵan joq

Qazaqstan • Búgin, 13:32

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar