2020 jyly el aýqymynda Abaı Qunanbaevtyń 175 jyldyǵy, Ábý Nasyr ál-Farabıdiń 1150 jyldyǵy atalady, sonymen qatar Altyn Ordanyń 750 jyldyǵyn merekeleý boıynsha birqatar sharalar ótedi.
Táýelsizdik alǵan 30 jyl ishinde Altyn Orda taqyrybynda 4-aq ǵalym qorǵapty. Sovet ókimeti tusynda bul taqyrypty dendep zerttegen Bekmahanovtar qýdalandy. Qanysh Sátbaevtartyń da osy taqyryp úshin qýdalaýǵa ushyraǵany az ortaǵa ǵana belgili. Bizdiń joǵary oqý oryndary jyl saıyn júzdegen tarıhshy men shyǵystanýshy shyǵarady, alaıda olardyń eshqaısysy Joshy ulysyna qatysty taqyryptardy tereń zertteýge barǵan emes. Sebebi taqyryptar qol jetimdi emes. Altyn orda aýyly qazaq tarıhynan alys turady degen oı osy kúnge deıin basym bolyp keldi.
Sol sebepti «Altyn Ordanyń mereıtoıyn toılaý qazaq úshin mańyzdy ma?» degen suraqtar jıi bolmasa da aıtylyp qalady. Eger qujattyq dálel surasańyz, minekeıińiz: «Qazaqtar ózderin Altyn Orda tatarlarynyń urpaqtarymyz dep sanaıdy» dep Shoqan Ýálıhanov estelikterinde jazypty. Demek, Altyn Ordanyń zańdy muragerimiz degen uǵym búgin paıda bolǵan joq. Bul uǵym, Shoqannyń tusynda-aq atalarymyzǵa belgili bolǵan.
Aıta keterligi, bul mereıtoılyq sharalardyń barlyǵy IýNESKO-nyń qoldaýymen halyqaralyq deńgeıde ulyqtalatyn bolady.
«Almaty elimizdiń mádenı ortalyǵy retinde jalpy respýblıkalyq sharalardy ótkizýdiń negizgi oshaǵy bolýy tıis», - dedi E. Babaqumarov.
Halyqaralyq konferensııalar, kórmeler men «dóńgelek ústelder» ótkizý boıynsha osynaý mereıtoılyq kúnderdi merekeleýdiń jalpy qalalyq sharalary josparlarynyń jobalary ázirlendi.
Jıyn barysynda ár jospar boıynsha usynystar men tolyqtyrýlar engizildi.
«Belgilengen tarıhı kúnderdi merekeleý – halyqtyń tarıhı sana-sezimin tereńdetýge jáne jahandyq formatta elimizdiń rýhanı mádenıetin jan-jaqty alǵa jyljytýǵa baǵyttalǵan táýelsiz Qazaqstannyń jańasha tarıhyndaǵy mańyzdy oqıǵalar», dep atap ótti Almaty ákiminiń orynbasary.
Keńestiń qorytyndysy boıynsha Mádenıet basqarmasyna barlyq usynystardy qarap shyǵý jáne mereıtoılyq kúnderdi merekeleý jónindegi túpki josparǵa engizý tapsyryldy.
