Alqaly jıynǵa Memlekettik hatshy Qyrymbek Kósherbaev, Premer-mınıstrdiń orynbasary Berdibek Saparbaev, memleket jáne qoǵam qaıratkeri О́mirbek Báıgeldi, Túrkııa Elshisi Nevzat Ýıanyk, Ázerbaıjan Elshisi Rashad Mamedov, Qyrǵyzstan elshisi Jeenbek Kýlýbaev, Halyqaralyq Túrki akademııasynyń prezıdenti Darhan Qydyráli, Qazaqstan halqy assambleıasy Tóraǵasynyń birinshi orynbasary Janseıit Túımebaev, Memlekettik qyzmet salasyndaǵy óńirlik haby basqarýshy komıtetiniń tóraǵasy Álıhan Baımenov, Senat depýtaty Baqytjan Jumaǵulov, Májilis depýtattary Qýanysh Sultanov, Baqytjan Ertaev, Saýytbek Abdrahmanov, Túrki keńesi aqsaqaldar keńesiniń múshesi Ádil Ahmetov, Memlekettik syılyqtyń ıegeri, jazýshy Ákim Tarazı, Memlekettik syılyqtyń ıegeri, aqyn Nesipbek Aıtuly, Qazaqstan musylmandary dinı basqarmasynyń tóraǵasy – Bas mýftı Serikbaı qajy Oraz, zııaly qaýym ókilderi men ǵalymdar, birqatar BAQ basshylary qatysty.
Aıta ketý kerek, Elbasy N.Á.Nazarbaevtyń «Rýhanı jańǵyrý» baǵdarlamasy men «Uly Dalanyń jeti qyry» maqalasynda aıtylǵan tapsyrmalardy aıqyndaı túsetin atalǵan eki basylym da túrkologııa salasyna qosylǵan baǵaly eńbekter sanalady.
Atap aıtqanda, «Qorqyt ata kitabynyń» Myrzataı Joldasbekovtyń Gúlim Shádıevamen birlesip jasaǵan aýdarmasynda áıgili tarıhı shyǵarma Drezden nusqasy boıynsha tuńǵysh ret qazaq tiline tolyq aýdarylyp, transkrıpsııasy men sózdigi qosa usynylyp otyr.
Al avtordyń Halyqaralyq Túrki akademııasy ázirlep shyǵarǵan «Uly Dala ádebıeti» monografııasynda kóne túrki jazba eskertkishterine qatysty zertteýlerimen qosa, qazaq aýyz ádebıetiniń birqatar muralary týraly eńbekteri qamtylǵan.
Tusaýkeser sharasyna qatysýshylar atalǵan eki kitap jóninde oılarymen bólisip, pikirlerin ortaǵa saldy.
