Aımaqtar • 20 Qazan, 2019

Oralda erekshe baǵdarsham ornatyldy

27 retkórsetildi

Bul baǵdarshamnyń ereksheligi sol - ádettegi elektr energııasyna táýelsiz. Iаǵnı metall arkada ornatylǵan LED-núkteli jaryqtandyrý dıodtary kúnnen qýat alady. Jáne baǵdarsham nysanyn jaıaý júrginshilerdiń ózderi retteı alady.

Kóshe qıylysyna kelgen júrginshi baǵdarsham keshenindegi arnaıy tetikti basqanda baǵdarshamnyń jasyl túsi 30 sekýndqa janady. Osy ýaqytta júrginshiler joldan óte alady. Buǵan qosa qosymsha tetik arqyly polısııa («102») nemese «jedel járdem» («103») qyzmetiniń operatorlarymen sóılesýge, shaqyrtýǵa múmkindik bolady. Sondaı-aq nysanda beınebaqylaý kameralary ornatylǵan.

Mundaı «aqyldy» baǵdarshamdy Oral qalasyndaǵy bas dańǵyl men Almazov kósheleriniń qıylysyna óz qarajatyna ornatqan - «ZenıtTehServıs» JShS eken. Qondyrǵy jobasynyń avtory – reseılik «NPF Spektron» JShS. Kompanııanyń kommersııalyq dırektory Garrı Bassavınniń aıtýynsha, Reseıde mundaı baǵdarsham nysandary sońǵy eki-úsh jyldan beri qoıylyp jatyr eken. «Qazaqstan boıynsha Oral qalasynda tuńǵysh ret qoıylyp tur» deıdi G.Bassavın.

Oral qalasy ákiminiń orynbasary Bekjan Toǵjanov bolashaqta osyndaı baǵdarsham keshenderi qalanyń basqa aýmaqtaryna da ornatylatynyn aıtady. Ol jol qozǵalysy qaýipsizdigin qamtamasyz etýde tyń bastama bastaǵan «Zenıt Teh Servıs» JShS basshysy Kósherbaı Aıǵojaulyna qala ákiminiń alǵys hatyn tabys etti.

Oraldyqtar úshin tyń da tosyn baǵdarshamdy qalaı qoldaný kerektigin alǵashqy kúnderi «Gaýhar joly» qoǵamdyq birlestiginiń eriktileri júrginshilerge kórsetip, qolǵabys etti.

BQO Polısııa Departamenti Ishki jáne syrtqy kommýnıkasııalar bóliminiń qyzmetkeri Asylaı Ǵubashevanyń aıtýynsha, Batys Qazaqstan oblysynda búginde 93 baǵdarsham nysany bar eken. Onyń 13-i – Bórli aýdanynyń ortalyǵy Aqsaı qalasynda, Tasqala aýylynda – 2, Terekti aýdanyna qarasty Podstepnyı jáne Fedorov aýyldarynda – 2, Aqjaıyq aýdanynyń ortalyǵy Chapaev aýylynda – 2, al 74 baǵdarsham Oral qalasynda ornalasqan. Sonyń ishinde 41 nysanda sanaq taımeri bar, taǵy 27 baǵdarshamǵa ornatý kózdelýde.

-Jol-kólik oqıǵalarynyń aldyn alý maqsatynda jol uıymdarymen birlese otyryp bıyl Oral qalasynyń eń belsendi 11qıylysyna baǵdarsham ornatyldy, - deıdi Asylaı Ǵubasheva.

BQO Polısııa Departamenti Ákimshilik polısııa basqarmasynyń bastyǵy polısııa polkovnıgi Janbolat Janshınniń aıtýynsha, jyl basynan beri jaıaý júrginshilerdiń qatysýymen 82 jol-kólik oqıǵasy bolyp, 26 adam kóz jumǵan, 67-si túrli dene jaraqatyn alǵan.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar