Qazaqstan • 21 Qazan, 2019

Nan bolsa, án bolady

18 retkórsetildi

Qazaq dastarqanynda as atasy – nan. Quramynda dárýmenderdiń 70 paıyzǵa jýyǵy bar taǵamnyń memlekettiń strategııalyq baǵdarlamasynda sapasy men ekologııalyq qaýipsizdigine oraı naqty mindetter qoıylǵan.

Búginde astyqty el sanalatyn Qazaqstannyń sońǵy bes jyldaǵy kórsetkishter boıynsha jınaǵan astyǵy 19 mln tonnany qurap otyr. Onyń shamamen azyq-túlik, jem, tuqym, óndiristik óńdeý baǵytynda 5-6 mln tonnasy ishki qajettilikterge jumsalady eken. Al eksportqa shyǵatyn astyq kólemi 7 mln tonnany quraıdy. Almatydaǵy «Aqsaı nan» kombınatynda ótken Nan merekesi barysynda Aýyl sharýashylyǵy mınıstrliginiń jaýapty hatshysy Marat Orazaev osyndaı málimettermen bólise kele ishki naryq astyqqa zárý emes dep atap ótti. Nan óndiretin kásiporyndar unmen tolyq qamtamasyz etilýde. Biraq óńirlerde nan baǵasy turaqty emes. Osy turǵydaǵy suraǵymyzǵa oraı mınıstrlik ókili nan baǵasynyń turaqtylyǵy memleket tarapynan qadaǵalanyp otyrǵanyn jetkizdi. Qazirgi kezde áleýmettik nannyń baǵasy 76,1 teńgeni quraıdy. Aımaqtyq ákimdikter janynan turaqtandyrý qorlary jumys isteıtin bolsa, respýb­lıka deńgeıinde Azyq-túlik korporasııasy jylyna 320-350 myń tonna 3 surypty bıdaı satyp alady. Sol bıdaıdyń esebinen nan zaýyttarynyń qajettilikteri óteledi. Sondyqtan da eksporttyq áleýetimizdi shekteýdiń esh qısyny joq, dep atap ótti M.Orazaev.

Al Almaty qalasynyń turǵyndary kúnine tutynatyn 135 tonna áleýmettik nannyń 60 paıyzy «Aqsaı nan» kombınatynda óndiriledi. Joǵaryda atap ótkenimizdeı, ońtústik astanada da nan baǵasy ósti. Osy saýalymyzǵa oraı Almaty qalasy Kásipkerlik jáne ınvestısııalar basqarmasynyń basshysy Erkebulan Orazalın «Tıisti mekemelermen jasalǵan kelisimder negizinde áleýmettik nan baǵasy qymbattamaıdy» dep atap ótti. Qazirgi kezde statıstıka mekemeleri nan kásiporyndarymen nan baǵasyn turaqtandyrý jóninde kelisimder jasaǵan. Sondaı-aq qalada arnaıy komıssııa qurylyp, áleýmettik nan baǵasyn qymbattatpaýdyń joldary men un óndiretin iri kásiporyndarmen kelisimsharttar negizinde sýbsıdııalar da qarastyrylýda.

Búginde óndirisinde 1200-den asa maman eńbek etetin otyz jyldan astam tarıhy bar «Aqsaı nan» kombınatynyń otandyq naryqtaǵy bedeli joǵary. Munda jylyna 45 myń tonnaǵa deıin nan-toqash ónimderi óndiriledi. Ekonomıkalyq josparlaý bóliminiń basshysy Saltanat Shúkirovanyń aıtýynsha, kúnine 80 tonna nan ónimderi shyǵatyn bolsa, onyń 50 paıyzyn áleýmettik nan ónimderi quraıdy. «Aqsaı nan» ónimderi Almaty qalasy ǵana emes, elimizdiń barlyq aımaqtaryn qamtamasyz etedi. Saqtaý merzimi shektelgen nan ónimderi qala mańyndaǵy eldi mekenderge jetkiziledi. Maman máselesinde muqtajdyq joq dep atap ótken S.Shúkirova Almaty tehnologııalyq ınstıtýtymen qatar qaladaǵy kolledjder, lıseıler túlekterimen qatar ishki oqytý júıesi arqyly mamandar oqytylatyndyǵyn atap ótti.

Respýblıka aımaqtarynda toılanǵan Nan kúnine oraı kombınattyń úzdikteri marapattaldy. Saltanatty shara barysynda Aýyl sharýashylyǵy mınıstrliginiń jaýapty hatshysy Marat Orazaev, Almaty qalasy Áýezov aýdanynyń ákimi Saıran Saıfedenov mamandardy Alǵys hattarmen marapattady. Aýdan ákimi S.Saıfedenov bıylǵy jetistikterge toqtalyp, aýdandaǵy kásiporyndar, mekemeler jumysy jaıynda aıtyp ótti. Sondaı-aq «Aqsaı nan» kombınatynyń aýdan damýyndaǵy úlesiniń de aıryqsha ekendigine toqtaldy. Saltanatty shara sońy ónerpazdardyń án-bıine ulasty.

 

ALMATY

 

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar