Qazaqstan • 21 Qazan, 2019

Sheteldik stýdentterge qurmet kórsetildi

182 retkórsetildi

Jýyrda Petropavl qala­synda Qazaqstan halqy Assambleıasy oblystyq bólimshesiniń ǵımaratynda Dúnıe júzi qazaqtary qaýym­dastyǵy fılıalynyń uıym­dastyrýymen M.Qozybaev atyn­daǵy ýnıversıtettiń «Foundation» (negiz) fakýl­tetinde oqyp jatqan sheteldik stýdenttermen kezdesý boldy. Olar qazaqstandyq joǵary oqý oryndaryna túsý úshin daıyn­dyq kýrsynan ótip jatyr.

Uzyn sany alpys shaqty stýdent Reseı, Qytaı, Mońǵolııa jáne basqa da elderden keldi. Týǵan úılerin saǵynǵan jas­tar ózderimen kezdesýge kelgen qyzyljarlyq aqsaqaldar men apalarǵa jylyushyraı qaraıdy. «Foundation» fakýlteti 2016 jyly ashylǵan. Osy kýrsta bir jyl oqyp, daıyndyqtan ótken jastar qabiletine qaraı keıin túrli fakýltetterge oqýǵa túsedi.

Merekelik sharany uıymdas­tyr­­ǵan qaýymdastyqtyń ob­lys­­­tyq fılıaly kezdesýge­ óner ujymdarynyń ókil­de­­­rin shaqyrypty. Sonyń ishinde ájelerdiń «Balqadısha» ansambli stýdentterdiń aldyn­da án shyrqap, bı bıledi. Sondaı-aq oblystyq fılarmonııa men S.Muqanov atyndaǵy qazaq teatrynyń artısteri ásem ánder men tógilgen kúılerin shertti. Basqa ult ókilderi kóp Petropavlda qońyltaqsyp júr­gen jastar bir mezgil serpilip, kóńilderi kóterilip qaldy. Qa­lyń qazaqtyń ortasynan kelgen jastardyń qatty qýanǵany kórinip turdy. Alys-jaqyn shetelderden kelgen qazaqtar da osy jerge jınalyp, jastarǵa ózderiniń aqyl-keńesterin aıtyp jatty.

Reseıdiń Qorǵan oblysyn­da turǵan, sondaǵy qazaq ulttyq-mádenı ortalyǵyn qurýǵa belsene qatysqan Boranbaı Bıjigitovti áńgimege tarttyq. Ja­sy jetpiske kelgen aqsaqaldyń Qyzyljarǵa qonys aýdarǵanyna bes jyl bolypty. «Biraq Reseı­de qalǵan týǵan-týystardy, qan­dastardy umytpaımyz. О́zim Qorǵannyń Makýshıno degen aýdanynda týyp-óstim. Partııa men keńes organdarynda, túrli kásiporyndarda basshylyq qyz­metterde boldym. Barlyǵy alty balam bar edi, bir ul, bir qyzym áli de sol jaqta turyp jatyr. Qalǵany atamekenge oraldy. О́zim Qorǵan oblysynyń «Qazaq tili» qoǵamynda jıyrma bes jyl boıy belsendi boldym. «Qazaqtyń ulttyq-mádenı avtonomııasyn» Reseıde eń birinshi biz ashtyq. Qazaq tilinde «Birlik» degen gazet shyǵaryp turdyq. Radıodan da óz habarymyzdy berip turdyq, biraq telehabar ashýǵa shamamyz kelmedi. Sony ashamyz dep kóp áýrelendik. Sońǵy 25 jylda biz Qorǵan ob­lysynyń barlyq aýdanynda 20 quryltaı ótkizdik. Qazir ol jaqta on bes myńdaı qazaq turady. Myna oqýǵa kelip jatqandardyń arasynda da bizdiń jastarymyz bar. Jýyrda Makýshın aýdanynyń bir mektebinde birin­shi qazaq synybyn ashýǵa qol jetkizdik. Oǵan otyz shaqty bala qabyldandy. Oqý qazaqstandyq baǵdarlamamen oqytylady. Qazir Qorǵan oblysyndaǵy ulttyq-mádenı avtonomııasynyń basshysy Qaırat Oralov esimdi jas jigit. Osy synyptyń ashylýyna sol jigit kóp eńbek sińirdi. Bizge aýdannyń burynǵy ákimi, qazirgi Memlekettik dýmanyń depýtaty Vasılıı Shıshkoedov kóp kómek berdi. Muǵalimderi Altynaı Bekishova – qazaqstandyq ke­lin. Osy jerde qazaqsha bas­ta­ýysh mektepti bitirgender keıin Qazaqstanǵa kelip, oqýyn jal­­ǵastyratyn bolady degen úmit­temiz», deıdi aqsaqal.

Stýdent jastardyń aldynda qyzyljarlyq qoǵamdyq belsendiler, ánshi, aqyn Dásten Baı­muqanov, ejelgi pedagog Jangeldi Tájın, «Urpaq» mádenı ortalyǵynyń jetekshisi, ǵalym Gúlbaqsha Musabaeva, «Shabyt» festıvaliniń laýreaty, aqyn Amanjol Zaǵypar jáne t.b. sóz sóılep, jastardy oqý bitirgen soń atamekende qalýǵa shaqyrdy. Jergilikti bılik tarapynan jıynda arnaıy ókil bolmaǵanymen qoǵam ókilderi qazaqtardyń kó­beıgenine, kóship kelgenderine qýanyshty ekenderin jetkizdi.

 

Soltústik Qazaqstan oblysy

 

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Uqsas jańalyqtar