Aımaqtar • 21 Qazan, 2019

Aqtaýda Assambleıa Abaıǵa arnap kesh ótkizdi

98 retkórsetildi

Aqtaýda óńirlik Qazaqstan halqy Assambleıasy Mańǵystaý oblystyq ámbebap kitaphanamen birlesip uly aqyn Abaı Qunanbaıulynyń 175 jyldyǵyna oraı poezııalyq kesh ótkizdi. Is-sharaǵa etnomádenı birlestik ókilderi, Muryn Seńgirbekuly atyndaǵy gýmanıtarlyq kolledjiniń stýdentteri, ártúrli etnos oqýshylary jáne №6656 áskerı bóliminiń sarbazdary qatysty.

Is-shara barysynda kitaphanashy Asııa Nutanqyzy sharaǵa qatysýshylardy Abaı shyǵarmalarymen tanystyrdy. Abaı ómiri men shyǵarmashylyǵyna qyzyǵýshylyq tanytyp júrgen  stýdentter, jastar aqynnyń  óleńderin, shyǵarmalaryn oqydy.

Is-shara barysynda sonymen qatar etnos jastary ókilderi de uly aqyn óleńderin, shyǵarmalaryn jatqa oqydy. Abaıdyń ózi «Adamzattyń bárin súı, baýyrym dep» dep aıtyp ketkenindeı mundaı is-sharalar Qazaqstan halqyn yntymaqqa, dostyqqa, birlikke shaqyrady.

Kesh barysynda Aqtaý qalasynda merzimdi áskerı boryshyn ótep júrgen - №6656 áskerı bóliminiń sarbazy Tóleýtaı Ansar uly aqynǵa óziniń júrekjardy óleńin oqydy:

 

Qaǵyp turyp maıyn ishken qara sózdiń,
Qaharly qıyndyqtyń bárin tózdiń.
Alash dediń arǵymaqqa mingen boıda,
Boıymyzǵa rýh syılaǵan baba sóziń.

Darhan dalam ózińdi izdep azynaıdy,
Ultyń nege rýhsyzdanyp qaljyraıdy,
Bireýlerdiń jeteginde ketpeý úshin,
Namystyń arqasynda tapjylmaıdy.

Bilimdi izdeıtinder sırek bop tur,
Istegeni raqymsyz búlik bop tur.
Artyńda qalǵan myna urpaǵyńa,
Abaı ata aqylyń kerek bop tur.

Qara sóziń tunyp turǵan tárbıege,
Úniń synsyp turǵandaı jan dúnıemde.
Aqyn baba sen salǵan dara jolyń,
О́shken joq, sharyqtap tur áli kúnge.

Alash seni dana degen, dara degen,
О́leńderiń oqyǵanǵa sana bergen.
Abaı ata, ózińizge myń rahmet,
Halqyńa ıman nuryn ala kelgen.

Aıymyzda týyp keledi jańa-jańa,
Kún keshken joq shól basqan saharada
Halqyńa namys bergen, rýh syılaǵan,
Qazaqty áıgili etken ABAI dara.

Uly Abaıǵa arnalǵan poezııalyq kesh sońynda aqynnyń óleńin, shyǵarmalaryn oqyǵan jastar Alǵys hattarmen marapattalyp, eń jaqsy oqyǵandarǵa óńirlik Assambleıanyń atynan syılyqtar tabystaldy.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar