Mańǵystaý sottary 9 aıda atqarǵan jumysyn qorytyndylady

Aımaqtar • 21 Qazan, 2019

Mańǵystaý sottary 9 aıda atqarǵan jumysyn qorytyndylady

Mańǵystaý oblystyq sotynda ótken keńeıtilgen keńes jumysynda 2019 jylǵy 9 aıda atqarylǵan sottardyń jumysy talqylandy. Bul týraly Mańǵystaý oblystyq sotynyń baspasóz qyzmeti habarlady.

Gúlaıym ShYNTEMIRQYZY

Keńes jumysyna Mańǵystaý oblystyq sotynyń tóraǵasy Erjan Daýlıev bastaǵan sýdıalar korpýsy qatysty.

Is-shara barysynda óńirdegi sot tóreligin sapaly atqarý, zańdylyqty saqtaý, sottardyń jumysyn odan ári jetildirý máseleleri boıynsha alqa tóraǵalary, aýdandyq jáne oǵan teńestirilgen sottardyń tóraǵalary baıandama jasady.

Keńeste sóz alǵan Erjan Daýlıev aǵymdaǵy jyldyń qyrqúıeginde Qazaqstan prezıdenti Qasym-Jomart Toqaev «Syndarly qoǵamdyq dıalog - Qazaqstannyń turaqtylyǵy men órkendeýiniń negizi" atty Qazaqstan halqyna Joldaýyn joldaǵananyn atap ótti.

-Prezıdenttiń alǵashqy Joldaýynan sot júıesi de tysqary qalmaı, ekinshi taraýy azamattardyń quqyqtary men qaýipsizdigin qamtamasyz etýge arnaldy. Bul taraýda elimizdegi quqyq júıesinde qordalanǵan ózekti máselelerge mán berilgen. Aldymen sot sheshimderiniń sapasyn arttyrý, sýdıalardyń zańdy jáne ishki senimdi basshylyqqa alyp, sheshim shyǵarýyna den qoıylǵan, dedi oblystyq sottyń tóraǵasy.

Odan ári Mańǵystaý oblystyq sotynyń qylmystyq ister jónindegi sot alqasynyń tórǵasy Erjan Qarabaev esepti merzimde qaralǵan qylmystyq isterdiń statıstıkasy týraly baıandap, óńirde alaıaqtyq, esirtki, psıhotroptyq zattarmen zańsyz jumys isteý, qaraqshylyq, bılik ókilin qorlaý, urlyq sekildi sanattaǵy qylmystyq isterdiń kóbeıgenin aıtty.

2019 jyldyń 9 aıynda aýdandyq jáne oǵan teńestirilgen sottarda 1657 tulǵaǵa qatysty 1455 qylmystyq is aıaqtalyp, 15 tulǵa boıynsha aqtaý úkimi shyǵarylǵan (2018 jyldyń 9 aıynda – 17 tulǵa aqtalsa, onyń ishinde 5 tulǵa jeke aıyptaý isteri boıynsha aqtalǵan). 15 tulǵaǵa qatysty aqtaý úkimderi Aqtaý qalalyq sotynda -6, Jańaózen qalalyq sotynda –7, Munaıly aýdandyq sotynda – 2 shyǵarylǵan.

Oblys sottarynda medıatorlarmen 192 (aıaqtalǵan isterdiń 11,5%) qylmystyq is qaralyp, sottalýshylar jábirlenýshilermen tatýlasýyna baılanysty qylmystyq is óndiristen qysqartylǵan (2018j. 9 aıynda – 159 is, 10,5%) ıaǵnı 36 iske kóbeıgen.

Sybaılas jemqorlyqqa qatysty 2019 jyldyń 9 aıynda aýdandyq jáne oǵan teńestirilgen sottarda 35 tulǵaǵa qatysty is aıaqtalǵan (2018 jyly-19/33, 1-tulǵaǵa kóbeıgen). Aýdandyq sottar boıynsha 568 elektrondyq qylmystyq ister qaralǵan, jalpy aıaqtalǵan isterdiń 34,2 paıyzyn quraıdy.

Al, azamattyq ister jónindegi sot alqasynyń tóraǵasy Nursapa Prımashev esepti merzimde azamattyq isterdiń azaıǵanyn, tatýlastyrý rásimderi boıynsha qysqartylǵan isterdiń kóbeıgenine toqtaldy.

Statıstıkalyq málimetterge sáıkes, osy kezeńde barlyǵy 17328 is qaralyp aıaqtalǵan, byltyr aıaqtalǵan isterdiń sany 25 317 bolatyn, ıaǵnı barlyq aıaqtalǵan isterdiń sany 7 989 danaǵa azaıǵan.

1 693 is tatýlastyrý rásimderin qoldaný arqyly qysqartylǵan. Olardyń ishinde 264 is bitimgershilikke kelý arqyly aıaqtalǵan. Byltyr 943 is tatýlastyrý rásimderin qoldaný arqyly aıaqtalǵan, ıaǵnı bul kórsetkish 750 danaǵa ósken. Olardyń ishinde 1423 is medıasııanyń tártibimen aıaqtalǵan. Partısıpatıvtik kelisimge kelý arqyly 6 is qaralǵan, byltyr 3 azamattyq is partısıpatıvtik tártipte qaralǵan bolatyn.

2019 jyldyń 9 aıynda Aqtaý qalasynyń mamandandyrylǵan ákimshilik jáne oblystyń aýdandyq sottarynda barlyǵy 10 589 ákimshilik is qaralǵan. Byltyr sottarda 13 401 is qaralǵan bolatyn, ıaǵnı qaralǵan isterdiń sany 2812 danaǵa azaıǵan.

Quqyq buzýshy retinde jaýapkershilikke 200 zańdy tulǵa tartylǵan, qalǵandary jeke tulǵalar.

Keńes sońynda sot tóraǵalaryna nusqaýlyqtar men eskertýler berilip, qatań talaptar qoıyldy.