Jastar arasynda týrnır ótkizýdegi maqsat – «Jastar jylynda» jastardy salaýattylyqqa tárbıeleýge atsalysý, sondaı-aq bashqurt halqynyń tarıhı otany - Bashqurtstannyń 100 jyldyǵyna oraı jasóspirimder arasynda atalmysh kúres túrin nasıhattaý.
«Kúresh» – túrki halyqtary arasyndaǵy dástúrli kúres túri. Bashqurttarda bul qarsylastar beline belbeý orap kúresedi. Kúresh, kez kelgen sport sııaqty, adamdy damytady. Ol adamdardy kúshke, tózimdilikke, óz qabiletterine senýge tárbıeleıdi, olardy salaýatty ómir saltyna jáne ata-babalarynyń dástúrlerin qurmetteýge daǵdylandyrady.
Jeńimpazdar men jarystyń belsendi qatysýshylary dıplomdarmen jáne medaldarmen, sonymen qatar aqshalaı syılyqtarmen marapattaldy.
-Osy týrnırdiń joǵary deńgeıde ótýine atsalysqany úshin oblystyq mamandandyrylǵan olımpıadalyq rezervtegi balalar men jasóspirimder mektebine, dırektordyń mindetin atqarýshy Qaısar Qanatulyna, jasóspirimder sanatyndaǵy aǵa jattyqtyrýshy Ahmedhanov Rıkshagqa jáne barlyq etnomádenı birlestikterdiń tóraǵalaryna, sondaı-aq oblystyq Qazaqstan halqy Assambleıasyna rahmet aıtamyn, dedi «Salavat» bashqurt etnomádenı birlestiginiń tóraıymy Býdchenko Gýzalııa Hısmetqyzy.
