Kongreste Avstralııa, Jańa Zelandııa, AQSh, Afrıka, Eýropa jáne TMD elderinen 120-ǵa jýyq spıker sóz sóıledi jáne jalpy sany myńnan astam delegat qatysty. Qatysýshylar qoǵamdyq keńistiktiń damýyn, qazirgi zamanǵy megapolıs ómirindegi jasyl aýmaqtardyń rólin jáne saıabaqtardyń qalalyq ortaǵa áserin talqylady.
Qazaqstandyq tarap bizdiń elderimiz arasynda ekonomıkanyń túrli salalarynda, sonyń ishinde mashına jasaýda Qazaqstan men Tatarstannyń ekonomıkalyq ózara is-qımylyn damytýda mańyzdy ról atqaratyn kólik salasyndaǵy yntymaqtastyqtyń tabysty júzege asyrylyp jatqanyn atap ótti.
Kongress barysynda Qazaqstan men Reseı qoǵamdyq keńistikterdi qaıta qurý salasynda birlesken tájirıbelerdi damytý týraly Memorandýmǵa qol qoıdy.
Qujatqa sáıkes, eki el yntymaqtastyǵynyń negizgi baǵyttary keńistikti uıymdastyrýǵa ekologııalyq kózqaras, jas sáýletshilerdiń kásibı qaýymdastyǵyn qalyptastyrý, qala turǵyndary men bıznesti abattandyrý jobalaryna tartý, jergilikti qaýymdastyqtar men jergilikti óndiristerdi damytý, qoǵamdyq keńistikterdi basqarý jáne olardy ártúrli belsendilikpen tolyqtyrý bolady. Memorandým sheńberinde Reseı men Qazaqstan qoǵamdyq keńistikter men qalalyq ortany damytýǵa baǵyttalǵan birlesken zertteýler men is-sharalar júrgizý kózdeıdi.
