Atalǵan organnyń baspasóz qyzmetiniń habarlaýynsha, ortalyq qyzmetine júgingen azamattardyń basym bóligi onyń jumysyn jaqsy baǵalaǵan.
– Bizdiń ortalyqtaǵy keńesshilerdiń jumysy azamattardyń kóńilinen shyqty dep esepteımiz. Jaqynda ortalyq jumysyna 36 myń 760 adam baǵa berdi. Olardyń 32 myńnan astamy «5», ıaǵnı «óte jaqsy» degen baǵa qoıdy. 1 233 adam, ıaǵnı qatysýshylardyń 3,4 paıyzy «4» qoıdy, – deıdi komıtettiń baspasóz ókili.
Memlekettik kirister qyzmetiniń ortalyǵyna túrli másele boıynsha habarlasqandardyń sany boıynsha Nur-Sultan qalasy aldyńǵy orynda tur. Odan keıingi oryndar Almaty men Shymkentke, Almaty jáne Qaraǵandy oblystaryna tıesili. Qyzylorda men Soltústik Qazaqstan oblystarynan hzabarlasatyndardyń sany basqa óńirlermen salystyrǵanda áldeqaıda az.
– Salyq tóleýshiler tarapynan negizinen salyqtyq bereshekter, salyq tóleýshilerdi nemese rezıdent emesterdi tirkeý, kólik quralyna tóleıtin salyq kólemi men qaryz, jer salyǵy men múlik salyǵy, elektrondy shot-faktýralar týraly máseleler boıynsha habarlasady,– deıdi komıtettiń baspasóz qyzmeti.
Búginde Kirister komıtetiniń salyq pen kedendik retteý máseleleri boıynsha https://t.me/KGDMFRK1414 siltemesinde arnaıy Telegramm chaty bar ekenin aıta keteıik.
