Basqarmaǵa túsken jedel aqparat buryn sottalǵan turǵynnyń esirtki satýmen aınalysatynyn astyrtyn jetkizgen. Osy habarmen kelgen polısııa qyzmetkerleri úıdi tintý barysynda «speıs» atty sıntetıkalyq psıhotropty zattyń bir rettik 600 dozasyn taýyp, tárkiledi. Bul hımııalyq esirtkiniń úlken kólemi dep sanalady. Ustalǵan adam ony qaltashyqtarǵa bólip, satýǵa daıyndap qoıǵany da belgili bolyp otyr.
Bul týraly jýrnalısterge oblystyq polısııa departamentiniń esirtkige qarsy kúres basqarmasynyń bastyǵy, polkovnık Jandos Basybaev habarlady. Sonymen birge ol ustalǵan adamnyń úıinen etıl spırtiniń flakondary, aq tústi belgisiz untaqtar, qaltashyqtardaǵy dárihanalyq shópter jáne t.b. tabylǵanyn aıtty. Kúdikti osylardyń bárin aralastyryp, psıhotroptyq zattar daıyndaǵan. Qazir osy zattardyń bári saraptamaǵa jiberilgen.
Ustalǵan kúdiktiniń ústinen Qylmystyq Kodekstiń 297-babynyń ekinshi tarmaǵy boıynsha qylmysty is qozǵalyp, ýaqytsha ustaý oqshaýlaǵyshyna otyrǵyzyldy.
Osy jyldyń 9 aıynda Soltústik Qazaqstan oblysy boıynsha esirtkige qatysty quqyq buzý boıynsha 151 buzýshylyq tirkelgen. Sonyń ishinde 96 qylmys, 55 aýyr jáne asa aýyr qylmys dep baǵalanǵan. 34 fakti boıynsha esirtki satýshylyq qylmysy tirkelgen. Esirtkige qarsy kúres qyzmetkerleri barlyǵy 393 kılo esirtkilik zattar tárkilese, sonyń 114 gramy geroın, 93 gramy kokaın jáne 1 kılogramnan artyǵy sıntetıkalyq esirtkiler bolǵan. Qylmysty iske tartylǵan adamdar sany 94-ke jetken.
Soltústik Qazaqstan oblysy
