Sport • 22 Qazan, 2019

Halyqaralyq at sporty federasııasynyń prezıdenti Almatyǵa keldi

57 retkórsetildi

Uly dala álemge jylqy sharýashylyǵyn jáne salt attylar órkenıetin qalyptastyrdy, úlgisin tanyptty.  Alǵash ret jylqyny qolǵa úıretý qazaq jerinde bastaý alǵandyǵyn soltústiktegi «Botaı» qazbalary dáleldeıdi. Eldegi bul sporttyń áleýetimen tanysý úshin Halyqaralyq at sporty Federasııaynyń prezıdenti Ingmar de Vos Almatyǵa arnaıy kelip, Almaty jáne Almaty oblysyndaǵy at sporty klýbtaryn aralady. Bul týraly Almaty qalasy ákimdiginiń baspasóz bólimi habarlady.

 

Osy oraıda Qazaqstan men Reseı at sporty qaýymdastyqtary eki jaqty kelisimge qol qoıdy. Bolashaqta bul kelisim eki eldiń sportshylaryna tájirıbe almasý úshin jáne halyqaralyq jarystarǵa qatysýlaryna múmkindik týǵyzbaq.  

«Jylqynyń senimin tolyq ıelený úshin keıde birneshe jyl qajet», deıdi sportshylar.

Búginde Qazaqstanda at sportynyń ulttyq túrleri belsendi damýda. Byltyrdyń ózinde elimizde 50-den astam jarys ótti. Bizdiń sportshylar aýdaryspaq jáne teńge ilý boıynsha Azııa chempıony atansa, kókpar jáne jamby atýdan álem chempıondary ataǵyn jeńip aldy.

«Biz óz tarapymyzdan Qazaqstanda at sportynyń damýyna barynsha qoldaý kórsetemiz. Federasııanyń damý baǵdarlamasy aıasynda bapkerler men jattyqtyrýshylarǵa arnaıy semınar ótkizemiz. Qazirgi tańda Olımpıada oıyndaryna beriler joldama sany arta tústi. Osy múmkindikti Qazaqstan tıimdi paıdalanady degen oıdamyn», dedi Halyqaralyq at sporty federasııasynyń Prezıdenti Ingmar de Vos.

«Basty másele Qazaqstan – veterınarlyq jaǵynan óte jaǵymsyz aımaq. Biz Qazaqstannan sportshylardy shetelge shyǵarý úshin 3 aılyq karantın qurý kerekpiz. Eń jaqyn karantın bizde ol Reseıde. Al 3 aı karantın degen – aqsha jaǵynan qyrýar shyǵyn», dedi QR at sporty boıynsha bas jattyqtyrýshy Áset Tolqymbek.

 

ALMATY

 

 

Sońǵy jańalyqtar

Uqsas jańalyqtar