Aımaqtar • 22 Qazan, 2019

Jańaózende pán muǵalimderi jetispeıdi

65 retkórsetildi

Jańaózen qalasy boıynsha bilim berý júıesin qarjylandyrýǵa 2019 jylǵa 12 436,8 mln teńge bólingen, bul qala bıýdjetiniń jalpy kóleminiń 57,9%-n quraıdy. Bul týral О́ńirlik Kommýnıkasııalar Qyzmeti alańynda ótken brıfıng barysynda Jańaózen qalasynyń ákimi Maqsat Ibaǵarov málimdedi.

Bilim berý júıesi 91 mekemeni qamtıdy, onyń ishinde 56 mektepke deıingi bilim berý mekemeleri bar. Onyń ishinde 38 balabaqshanyń 28-i memlekettik, 11-i jekemenshik jáne 18 shaǵyn ortalyqtar - 2 mektep janyndaǵy shaǵyn ortalyq, 16 - jekemenshik shaǵyn ortalyq. Tárbıelenýshiler sany – 7 857 (2018 jyly – 7 780). Balabaqshalar sany 2014 jylmen salystyrǵanda 41-den 56 birlikke deıin jetti, ıaǵnı balalardy balabaqshamen qamtý 100% kórsetkishke ıe.

26 jalpy bilim beretin mektep bar (22 orta, 2 bastaýysh, 1 keshki mektep, 1 jekemenshik Kaspıı zııatkerlik mektep – baqsha). Oqıtyndar sany 2019-2020 oqý jylynda 32 601 oqýshyny qurady (2018 - 2019 oqý jylynda – 30 804).

Bilim berý salasynda pedagog qyzmetkerler sany 3 851 shtattyq birlikti quraıdy. Degenmen, pedagogtar arasynda kadr tapshylyǵy baıqalady. Máselen 2018 jyly 20 maman jetispedi, olar - qazaq mektebine 10 matematıka páni mamany, 10 orys tili páni mamany.

2019 jyly 26 maman jetispeıdi, ıaǵnı qazaq mektebine 10 matematıka páni, 10 orys tili páni jáne 2 aǵylshyn tili páni mamandary, orys mektebine 1 fızıka páni, 1 tarıh páni, 2 bastaýysh synybynyń mamandary.

- Jalpy,  Jańaózen qalasy boıynsha apatty jaǵdaıdaǵy mektepter men úsh aýysymda oqytatyn mektepter joq. Alaıda balalar sanynyń artýyna baılanysty 1200 oryndyq mektep salý josparlanýda. Jobanyń jobalyq smetalyq qujattamasyn túzetý jumystary júrgizilýde, ol aǵymdaǵy jyldyń jeltoqsan aıynda daıyn bolmaq,- dedi qala ákimi.

 

 

Mańǵystaý oblysy

                          

 

 

 

Sońǵy jańalyqtar

Uqsas jańalyqtar