Qurylǵan jumys oryndarynyń 214,4 myńy – turaqty, 117,6 myńy – ýaqytsha jumys orny.
Ekonomıkalyq qyzmet túrleri boıynsha eń kóp qurylǵan jumys oryndary kóterme jáne bólshek saýda salasynda – 35,8 myń, 32,9 myń – qurylys salasynda, 31,2 myń – aýyl, orman jáne balyq sharýashylyqtarynda.
Jumys oryndarynyń basym bóligi Almaty (42,3 myń), Qaraǵandy (31 myń) oblystarynda jáne Almaty qalasynda (36,4 myń).
Eń az sany Qyzylorda (9,6 myń), Aqmola (10,3 myń) jáne Batys Qazaqstan (10,8 myń) oblystarynda qurylǵan.
Búgingi tańda jumys oryndaryn qurý negizinen memlekettik baǵdarlamalar, aýmaqtardy damytý baǵdarlamalary, ınvestısııalyq jobalar, shaǵyn jáne orta bıznesti damytýdy yntalandyrý jónindegi baǵdarlamalary aıasynda júzege asyrylatynyn atap ótken jón.
Esterińizge sala keteıik, Eńbek jáne halyqty áleýmettik qorǵaý mınıstrligi jumys oryndaryn qurý monıtorıngin júzege asyrýdyń jańa erejelerin qabyldady. Sondaı-aq Eńbekmıni «Jumys oryndaryn qurýdyń ıntegrasııalanǵan kartasy» aqparattyq júıesin ázirlegen edi.
