Qoǵam • 22 Qazan, 2019

IIDM: Avtobýs parkteriniń tozýy 23%-ǵa tómendedi

95 retkórsetildi

Úkimet alańynda ótken baspasóz konferensııasy barysynda Indýstrııa jáne ınfraquryldymdyq damý vıse-mınıstri Berik Kamalıev avtobýs parkin jańartý jáne jańa jolaýshylar vagondaryn paıdalanýǵa berý boıynsha qabyldanyp jatqan sharalar týraly aıtyp berdi. Bul týraly primeminister.kz habarlady. 

Berik Kamalıevtiń aıtýynsha, 2009 jyly jolaýshylar vagondarynyń tozýy – 90%, 2014 jyly – 60% qurady. Qazirgi sátte jolaýshylar vagondarynyń parki 2146 birlikti quraıdy.

«Búginde parktiń tozýyn biz 65%-dan 42%-ǵa deıin tómendettik, 2025 jyldyń sońyna deıin 30%-ǵa jetkizýdi kózdep otyrmyz. Bıyl 63 vagon satyp aldyq, jyl sońyna deıin taǵy 43 vagon alamyz. Árbir 5 jyl saıyn 100 vagonnan satyp alamyz. Biz «Transmashholdıng» AQ-men aýqymdy kelisimshart jasasqanbyz, vagondardyń Qazaqstanda jergiliktendirilýin qalaımyz», dedi B.Kamalıev.

Sonymen qatar vıse-mınıstr áleýmettik mańyzy bar baǵyttardy sýbsıdııalaý isi jalǵasatynyn aıtty.

«Bizde sýbsıdııa bólinetin áleýmettik baǵyttar bar. Biz qazir temir jol kóligi týraly zań ázirlep jatyrmyz, onda birinshi másele jolaýshylar tasymalyn sýbsıdııalaý bolady. QTJ-da jolaýshylar lokomotıvteriniń jańa qurylymy qurylady», dedi vıse-mınıstr.

«Nurly jol» baǵdarlamasynyń ekinshi kezeńi aıasynda 600 jolaýshylar vagony men 144-ke jýyq otandyq lokomotıv satyp alýǵa  657 mlrd teńgege jýyq qarajat bólý josparlanǵan. Bul shara jolaýshylar parkiniń tozý deńgeıin birshama tómendetýge – 40%-ǵa deıin (2020 j. deńgeıge -5%), tartqysh jyljymaly quramnyń tozýyn 58%-ǵa deıin (2020 j. deńgeıge -9%) jáne magıstraldy temirjol jelisiniń tozýyn 49%-ǵa deıin (2020 j. deńgeıge -5%) tómendetýge múmkindik beredi.

О́z kezeginde, Indýstrııa jáne ınfraqurylymdyq damý mınıstrliginiń Kólik komıteti tóraǵasynyń orynbasary Qaırıden Nurkenov jolaýshylar vagondary parkin jańartý jumystary júıeli túrde júrgizilip jatqanyn aıtty. Osy jyldyń ózinde 60-tan astam jolaýshylar vagony satyp alyndy, olar «Almaty – Mańǵystaý», «Nur-Sultan – Atyraý» jáne «Nur-Sultan – Saryaǵash» baǵyttarynda júredi.

Sonymen birge, Q. Nurkenov avtokólik quraldaryn damytý aıasynda Jolaýshylar avtobýstary parkin jańartýdyń keshendi jospary qabyldanǵanyn atap ótti.

«Nurly jol» baǵdarlamasyn iske asyrý jalpy tozýdy 65%-dan 42%-ǵa deıin tómendetýge múmkindik berdi. Búgingi tańda turaqty marshrýttarda 12 myńǵa jýyq avtobýs jumys isteıdi jáne, sáıkesinshe, avtobýstardyń jartysynan kóbi 7 jyldan astam ýaqyt jumys istep keledi. Bul baǵdarlama jańartýdy qarastyrady», dedi Q. Nurkenov.

Onyń aıtýynsha, 2 jyl ishinde turaqty jolaýshylar marshrýttarynda jumys isteıtin shamamen 615 avtobýs satyp alyndy, onyń 45-i –  2018 jyly, bıyl 570 satyp alyndy.

2022 jylǵa deıin el óńirleriniń avtobýs parkin jańartýdy qamtamasyz etý maqsatynda respýblıkalyq bıýdjetten 128,5 mlrd teńge kóleminde qarajat bólý josparlanǵan. Qarajattar tasymaldaýshylarǵa «Qazaqstannyń Damý Banki (QDB) lızıng» AQ arqyly jeńildetilgen nesıe baǵdarlamasy aıasynda 15% bastapqy jarnamen, 7% paıyzdyq mólsherlememen 7 jylǵa beriledi.

Atalǵan shara 2025 jylǵa deıin qalalyq avtobýs parkin 5000 birlikke jańartýǵa, tozý deńgeıin 44%-ten 28%-ǵa deıin tómendetýge, sondaı-aq, otandyq shyǵarýshy zaýyttardyń óndiristik áleýetin barynsha kóbirek paıdalanýǵa jol ashady. 

Sońǵy jańalyqtar

Aqyn-jazýshylar Aqtóbede bas qosty

Rýhanııat • Búgin, 11:25

Egemendikter elge shyqty

Qazaqstan • Búgin, 11:19

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Uqsas jańalyqtar