Qajet bolǵan jaǵdaıda qazaqstandyqtar tirkeýge turǵan mekenjaılaryn egov.kz elektrondy úkimet portaly men eGov mobile qosymshasyndaǵy jeke kabıneti arqyly teksere alady.
Memlekettik organdarǵa keletin bolsaq, olar bul málimetti ishki ister mınıstrliginiń derekter bazasymen ıntegrasııalanǵan aqparattyq júıeleri arqyly alatyn bolady.
«Azamattarǵa arnalǵan úkimet» memlekettik korporasııasy saraptama júrgizip, qazaqstandyqtardyń jyl saıyn ártúrli uıymdarǵa usyný úshin 20 mıllıonnan astam anyqtamany basyp shyǵaratynyn anyqtady, olardyń jartysyna jýyǵy – mekenjaı anyqtamalary. Osylaısha mekenjaı anyqtamalarynyń kúshi joıylǵan kezde azamattardyń HQO-ǵa kelý sany 10 mıllıon ese azaıady.
Bir ótinishpen alýǵa bolatyn memlekettik qyzmetter sany kóbeıedi
«Azamattarǵa arnalǵan úkimet» memlekettik korporasııasy kompozıtti túrde kórsetiletin qyzmet túrlerin arttyrmaq. Budan bylaı qandaı da bir memlekettik qyzmetti alý úshin toltyrylatyn ótinish sany azaıtylatyn bolady.
2020 jyly qyzmet kórsetý prosesin ońtaılandyrý úshin 55 túrli memlekettik qyzmet 21 túrli kompozıttik qyzmetke biriktiriledi dep josparlanyp otyr.
«Mundaı qyzmetterdiń ishinde jer aktisin alý qyzmeti úlken suranysqa ıe dep oılaımyn. Máselen, qazir bul qyzmetti alý úshin 4 túrli ótinish jazý kerek. 2020 jyldan bastap, bul aktilerdiń barlyǵy biriktirilip, «Sáıkestendirý qujattaryn ázirleý jáne berý» sııaqty bir qyzmet arqyly qoljetimdi bolady. Buǵan deıin biz zeınetkerlikke baılanysty tólemderdi taǵaıyndaý boıynsha barlyq qyzmetti kompozıt qyzmetine biriktirgenbiz», deıdi MK basqarma tóraıymy Á.Baltasheva.
Aıta keteıik, zeınetkerlik tólemderdi bir ǵana ótinishpen taǵaıyndaýǵa múmkindik beretin qyzmet bir jyl buryn iske qosylǵan, sodan beri kompozıtti túrde 99,2 myń zeınetaqy taǵaıyndalǵan. Buǵan deıin zeınet jasyna jetken azamat HQO-ǵa kelip jasyna baılanysty jáne bazalyq zeınetaqyny tóleý boıynsha 2 ótinish beretin, ári bir aıdan keıin qaıtadan memlekettik kepil tólem jasaý týraly ótinish jazyp, keıin Biryńǵaı jınaqtaýshy zeınetaqy qoryna baryp, taǵy bir ótinish toltyratyn. Endi osy 4 qyzmet úshin HQO-ǵa bir-aq ret baryp, bir ǵana ótinish jazý jetkilikti.
Azamattarǵa arnalǵan úkimet joǵary suranysqa ıe anyqtamalardyń bestigin jarııalady
Korporasııanyń basqarma tóraıymy Ásemgúl Baltasheva feısbýktegi paraqshasynda Qazaqstandaǵy HQO arqyly beriletin joǵary suranysqa ıe 5 anyqtama túrin jarııalady. Bul bestikke mekenjaı anyqtamasy, jyljymaıtyn múliktiń bolmaýy (bolýy) týraly, jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly, BJZQ salymshysy qarajatynyń túsýi jáne qozǵalysy týraly aqparat jáne sottylyqtyń bolýy nemese bolmaýy týraly sııaqty anyqtamalar engen.
Taldaý barysynda bıylǵy jyldyń 8 aıynda qazaqstandyqtar HQO-dan 4,5 mln mekenjaı anyqtamasyn, jyljymaıtyn múliktiń bar/joq ekendigi týraly mıllıonǵa jýyq anyqtamany jáne jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly 700 myńnan astam anyqtamany suratqany anyqtalǵan.
«Bul elektrondy úkimet portaly jáne telegramm-bot arqyly óz betinshe alynǵan anyqtamalardy esepke almaǵandaǵy, qazaqstandyqtardyń HQO-ǵa kelip alǵan anyqtamalarynyń kórsetkishi», dep naqtylady Ásemgúl Baltasheva.
Esterińizge sala keteıik, 1 qarashadan bastap Qazaqstanda mekenjaı anyqtamasyn berý memlekettik qyzmet retinde qysqartylady, ıaǵnı endi azamattar óziniń tirkelgen ornyn tek egov.kz elektrondy úkimet portalyndaǵy jeke kabınetten teksere alady.
Sonymen qatar «Azamattarǵa arnalǵan úkimet» memlekettik korporasııasy vedomstvoaralyq komıssııanyń qaraýyna taǵy 28 anyqtamany memlekettik qyzmet tiziliminen alyp tastaýdy usyndy.
Aınur Jaqanova,
«Azamattarǵa arnalǵan úkimet» MK Nur-Sultan qalasy fılıaly PR menedjeri
