Rýhanııat • 23 Qazan, 2019

Atalmaı nege qalsyn Musa aty?!

46 retkórsetildi

Án-jyrdyń altyn besigi – Kókshetaýda aqtańger aqyn, ánshi-kompozıtor, Qazaq SSR-iniń eńbek sińirgen mádenıet qyzmetkeri Musa Asaıynovtyń týǵanyna 90 jyl tolýy aıryqsha saltanatpen atalyp ótti. Án keshine aqynnyń perzentteri men ánsúıer qaýym qatysty.

О́tken ǵasyrdyń sonaý alpysynshy jyldary tula boıyndaǵy tamasha talantymen tanylǵan ot aýyzdy, oraq tildi aıtys aqyny, aspandaǵy aqqýǵa únin qosqan Úkili Ybyraıdyń nemeresi Musa Asaıynovtyń ataq-dańqy dúrkirep turǵan edi. Aqynnan qalǵan rýhanı mura da mol. Búgingi kúni sol mura jalǵyz kókshetaýlyqtardyń ǵana emes, jalpy ánsúıer qaýymnyń qadirlep-qasterlep oryndaýymen zamandastarymyzdyń kókiregine sáýle quıyp keledi.

Mereıtoılyq konserttiń baǵdarlamasy Almatyda túzilipti. Qazaqstannyń eńbek sińirgen qaıratkeri Erlan Tóleýtaı elimizdegi belgili ánshilerdiń basyn Kókshetaýda qosty. Úkili Ybyraıdyń «Gákký» ánimen án Mekkesine mańdaı tiregen ánshilerdi Qazaqstannyń eńbek sińirgen ártisi, jezqazǵandyq Ǵalym Muhamedın bastap kelipti. Biletinderdiń aıtýyna qaraǵanda, aýyzdan aýyzǵa kóship, máńgilik muraǵa aınalǵan bir ǵana «Gákkýdiń» toqsan nusqasy bolǵan eken. Áý basta Úkili Ybyraı babamyz osy bir ǵajaıyp óner týyndysyn ártúrli ıirimde shyrqap, túrlendirip otyrǵan desedi. Búgingige jetken jeti túri bar. Kesh barysynda kókshetaýlyq Iran sal Tasqara mýzykasyn ózi jazǵan «Musanyń áni» men «Úkili Ybyraıdyń sońǵy sózin» naqyshyna keltire oryndaǵanda, halyq daýyldy kúngi teńizdeı tolqyp ketti. Qazaqstannyń eńbek sińirgen qaıratkeri Ultý Qabaeva ánsúıer qaýymdy ashyq daýysymen baýrasa, «Qazaqkonserttiń» ánshisi Telman Qujymanov Úkili Ybyraıdyń «Gákkýin» oryndaǵanda tebirenbegen jan qalǵan joq shyǵar.

Qazaq ániniń kemeńger tulǵalary –  Birjan sal, Aqan seri, Úkili Ybyraı, Balýan Sholaq muralary bir jańǵyryp qaldy. Án keshine Almaty men Jezqazǵan, Qaraǵandy men Nur-Sultan qalalarynan arnaı    y kelgen ánshiler de kileń dúldúl eken. Aǵaıyndy Telman, Erlan jáne Jolaman Qujymanovtar kókshetaýlyq qaýymǵa ónerimen olja saldy.

Musanyń áni degende óz oryndaýynda keıbir ánderi taspaǵa jazylyp, beınesi aman jetken eken. Án keshinde qońyr daýyspen oryndaǵan «Kókshetaý» ánin tyńdaý múmkindigine ıe boldyq. Qazaq KSR-iniń eńbek sińirgen ártisi Qapash Qulysheva da týǵan jerindegi torqaly toıǵa at salysty. Kesh qonaqtary – Erjan Bazarbekov, Qurmash Ybyshev tárizdi jeztańdaı ánshilermen birge Kókshedegi án týyn kótergen dástúrli ánshi Qajybaı Jahınder tamasha óner kórsetti.

Kesh sońynda oblys ákimi Ermek Marjyqpaevtyń atynan gúl destesi usynyldy.  Kókshetaý qalasynyń ákimi Amangeldi Smaıylov ónerpazdarǵa aq alǵysyn aıtty. Musa aǵamyzdyń Almatydan kelip otyrǵan qyzy Fatıma Musaqyzy júrekjardy lebizin bildirdi. Ulttyq ónerdiń jarqyraǵan bir shókim jaýharyn syılaǵan Musa aqynnyń mereıtoıy osylaısha atalyp ótti. Án ushqan, óleń qonǵan elde Musadaı asyldyń aty nege atalmaı qalsyn?!.   

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar